Home Creators Posts Import Register Favorites Logout

Content


港股終於穿埋18,000,11年低位,成交都多咗少少,不過仲係唔夠 (小過100 billion),令到長錢撈貨嘅意欲唔高。情緒當然仲係好悲觀,但係聽行家講有個調查,話再跌有50%人會唔做嘢,40%會加,10%會減。者係大家都係等,等情緒再悲觀,跌市成交放大先買。

技術指標,好多股票都hit咗Demark 13, 亦都開始超賣,開始感覺到有capitulation。下個禮拜都係第三季季結,都有可能window dress夾返啲上去。Morgan Stanley都係睇17,000左右見底,十月又係傳統股災月。



台灣同俄羅斯問題繼續係影響中國股票,再加上強美元,同埋人仔跌到7.1,令到投資者避開中港股票。A股其實都係差,開始有少少流動性問題,成交突然從上星期嘅8,000億跌到今個星期嘅6,000億,一年半低位,好易令到個別A股急跌。港股就更加係,中小型股都係冇買盤,好易比人連隊幾日。

Flow方面,買嘅都係啤酒,飲同食嘅內需股多,一嚟比較避險,二嚟就係成本第四季有機會回落。仲有就係reopening, 賭股,本地地產股,航空,同埋好似1880。最後中資就買番啲能源股,都算係比較安全嘅版塊。仲有港銀買盤,不過今次 prime rate加0.125%低過預期。科技股全部冇乜人理,買賣兩閒。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。




Comments

Yiu Lung Li

想問下咩叫唔做野?🤔

Yiu Lung Li

同埋收市果時上番18000

L J

意思應該想表達為:靜觀其變,沒有打算執行任何操作。