Home Creators Posts Import Register Favorites Logout
haven't archived this post yet. have a subscription? use the importer!

Content

今個禮拜個市整固,世界盃加上美國感恩節放假,令到成交開始靜。指數回返到17,200完成短期回調目標。大陸呢轉嘅疫情不停擴大,防疫政策開始有啲混亂,尤其係石家庄轉軑,又開始做返核酸同封城,令到市場擔心。而星期三中國嘅感染人數創新高。而家有啲問題係就算係大陸開放,有一批人仲係驚呢個病毒而唔敢出去。不過市場嘅大方向都係防疫繼續放鬆。

Number of covid cases in China (source: Google)

今個禮拜有幾個焦點:

1)國企走勢非常凌厲,因為證監主席易會滿在2022金融街論壇年會上進一步指出,要「深入研究成熟市場估值理論的適用場景,把握好不同類型上市公司的估值邏輯,探索建立具有中國特色的估值體系,促進市場資源配置功能更好發揮」。

人保(1339) 中電訊(728)有限幾隻真係強勢,其他好似中交建(1800),中鐵(390),中車(1766),似係兩三日貨仔。

2)手遊/科技股,整頓/監管應該似尾聲 =>呢幾日有幾個新聞/事件令我覺得有咁嘅諗法。呢個不正當競爭法,加埋螞蟻嘅罰款同埋話未成年人沉迷遊戲問題基本已經解決,似係同市場講啲監管已經完成得八八九九。

  • 第一係市場監管總局就《中華人民共和國反不正當競爭法》公開徵求意見,經營者不得利用數據和算法、技術、資本優勢以及平台規則等從事不正當競爭行為。
  • 第二係中國音數協遊戲工委、中國遊戲產業研究院聯合伽馬數據近日共同發布《2022中國遊戲產業未成年人保護進展報告》顯示,未成年人的沈迷遊戲問題已經基本解決。
  • 第三係路透引述知情人士報導稱,中國有關部門在計畫對螞蟻集團處以逾10億美元的罰款,為監管整改的結束鋪平道路。

仲有就係美團(3690),Naspers收到騰訊派出嚟嘅美團應該都會沽。不過早兩日傳上邊約談了各大互聯網公司,要求給旗下員工繳納社保。京東(9618)率先表態,高管開咗個會,副總監以上人員降薪10%-20%,拿出100億補貼兄弟們,設立“住房保障基金”,同時從明年1月1日起逐步給所有物流快遞員工交五險一金。咁市場就擔心美團洗唔洗幫佢幾百萬個騎手交五險一金,佢星期五收市出業績,應該有人會問管理層呢個問題。

騰訊(700) 南非佬又開始沽貨由10月28號到11月23號沽左78.9m貨, 即係大概平均一日沽4球半貨,騰訊每日回購1.2球,睇嚟喺現階段市場係有承接力嘅。

3)繼續救內房 - 基本上六大行都同好多發展商提供左 credit line

  • 中國銀行與萬科簽署戰略合作提供不超過1,000億元授信額度
  • 碧桂園與中國郵政儲蓄銀行簽約建立長期戰略合作關係,郵儲銀行將為碧桂園提供不超過500億元人民幣意向性授信額度。
  • 交行將為萬科集團提供人民幣1,000億元意向性綜合授信額度,並提供多元化融資服務,包括但不限於房地產開發貸款、個人住房按揭貸款、並購貸款、保函、供應鏈融資、債券投資等。
  • 中國農業銀行與中海發展、華潤置地、萬科集團、龍湖集團、金地集團五家房企舉行銀企戰略合作協議簽約儀式。
  • 中國工商銀行與萬科集團、金地集團、綠城中國、龍湖集團、碧桂園集團、美的置業、金輝集團等12家全國性房地產企業,以總對總方式簽訂戰略合作協議,提供意向性融資總額達6,500億。
  • 建設銀行邀請88家房地產和住房租賃企業,召開房地產市場形勢展望暨住房租賃基金交流會,並與8家房企簽署了合作協議。

最後就係又有對沖基金沽空港元 - 今次係Pershing Sqaure 嘅Bill Ackman

“We have a large notional short position against the Hong Kong dollar through the ownership of put options. The peg no longer makes sense for Hong Kong and it is only a matter of time before it breaks.”

“If China is indeed a strong, independent sovereign, why does it need to peg its currency and that of Hong Kong’s to the US dollar?”


好多人都覺得short港完係一個asymmetrical payout, 輸有限,贏無限。不過現階段中國仲需要靠香港去access美元,睇唔到短期港元會同美元脫勾。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Files

Previews only

Comments

KarKar

Thx, Ah Chu.

Cyrus

thx ah ju!

Ronald Wong

可否分析一下美國經濟及股票走勢?