Home Creators Posts Import Register Favorites Logout

Content

星期一返嚟大跌,因為weekend大陸內地到處發生示威,而好多基金經理,尤其是內地嘅基金經理好多都未見過咁嘅情況,所以都係先沽為敬,不過真係去到16,800呢個位係有支持,尾市都係跌幅收窄。之後星期二三就真係有更多嘅放鬆防疫政策 (pivot),例如廣州深圳都開始解封,北京開始俾人喺屋企自己隔離,之後當地嘅核酸檢測範圍都開始收窄,朋友喺廣東省都係星期三封城,點知星期四又解封咗,不過有喺重慶嘅朋友仲係封緊。仲有內地媒體就係開始講Omicorn毒性低 (pivot)。(國內科研團隊實驗驗證:奧密克戎致病力已大幅降低) 。 其實今次示威,可能係俾咗老習佢需要嘅落台階。黨原本意思係保護你哋嘅生命,咁你哋而家選擇自由,咁到時死人就唔關檔事。(內地未來數天將進一步放寬防疫,允許確診者及密切接觸者居定隔離、減少大規模檢測)

再加上早幾日出嘅政策去支持房地產,咁市場最擔心嘅房地產同埋清零政策度開始轉向。中證監28日優化房企股權融資5項措施,支持恢復涉房上市公司併購重組及配套融資,這是1993年房地產熱後實質上暫停房地產開發企業上市、2001年短暫恢復房地產企業上市試點、後又實質暫停房企上市融資和房地產上市公司再融資。內房呢個股權融資,其實真係幾重視,雖然主要係對A股影響大,但係出完之後即刻有幾單集資。

星期一嘅低位去到星期四朝早高位有15%, 2,500點,係咪pricing in 晒reopening 同 救樓市嘅政策好難講。不過18-9,000點呢啲位追入去值博率就唔大,所以亦都見到啲早前撈咗貨嘅基金食啲糊。睇返遠少少,如果美元見頂,加上中國救樓市同reopen,其實大陸有更多子彈去放水。不過暫時睇落去,啲大路嘢都炒到咁上下:騰訊300,港交所320,比亞迪200,平安50… 仲可以睇嘅係啲消費類嘅板塊,呢個之後仲有空間。

Chart: 700 getting close to 200d MA


Flow冇乜特別,反而拼多多(PDD)業績真係好好,美團都唔錯,cost control 做得好。B站(9626)同小鵬(9868)呢兩隻比人price到去執咁濟,一季蝕廿幾億,兩隻不約而同業績之後大升,一部分冚淡倉,另一部原因係大環境開始改變。但係你係咪話業績好好?又未至於係。

Comments

No comments found for this post.