Home Creators Posts Import Register Favorites Logout

Content

市底仲係強,先有Morgan Stanley 升恆指目標價去到21,200,之後摩通話中國公司盈利預期下調情況接近結束。原本以為星期三班友趁好消息(「新十條」新冠防疫措施)沽貨,市場會調整/整固多幾日,睇返落18,300個頸線位,點知第二日夾返上去,不過上面19,800-20,000都係有比較大阻力,個市係有能力再試高位,不過都係覺得呢啲位整固吓,做返浸板塊輪動機會大啲。星期三四係多咗人沽空啲reopening/港交所(388)/F&B。

Morgan Stanley new target prices (Dec 4, 2022)


大陸嚟緊12月15日會開中央經濟會議,傳將2023年GDP成長目標設在5%左右,同埋明年中國穩健的貨幣政策要「精準有力」,以幫助刺激經濟復甦。所以要諗邊啲板塊會最受惠。都係新能源,基建,同埋汽車行業應該都會有份,吉利(175)長城(2333),又或者財險(2328)。reopening 就炒到7788。

房地產板塊繼續收到政策支持,睇嚟政府個tone都繼續軟化: 基於當前房地產市場去槓桿成效和實際情況,「房住不炒」的緊迫性或相應淡化。之後人民銀行上海總部、上海銀保監局召開上海金融支持房地產市場平穩健康發展座談會。仲有武漢部分銀行接到二環外解除限購通知同埋合肥開啓「二手房互換」新模式碧桂園一個月內第二次批股,聽講又係reverse enquiry (i.e. institutional investors ask company to do placement)。

科技股落後嘅網易(9999),佢同與中建八局聯合研發的挖掘機器人,搖身一變高端智能製造。仲有就係百度(9888),佢嘅廣告業務會慢慢復甦。而教育股都有啲最落後。

Decent chart on 9901


仲有就係Biotech,尤其係康方(9926) (之前提過呢隻股票幾次)授權Summit Therapeutics 係於美國、加拿大、歐洲和日本的開發和商業化依沃西(PD-1/VEGF雙特異性抗體)的獨家許可權,成單叼嘅價值,可以去到50億美金+低雙位數百分比嘅sales分紅,令到市場對成個板塊有返憧憬。好多Biotech股票都由高位跌咗7-8成,令到而家嘅直搏率唔錯。

星期三大摩double upgrade 香港地產股,而市場已經開始炒香港大陸通關,香港地產股,甚至係MSCI HK 大部份嘅名都可以留意。新地(16)圖最靚,新世界(17)/恆地(12)最好抄。不過炒呢啲股票唔用衍生工具有啲嘥氣。

放鬆清零之後,呢啲阿里健康(241)平安好醫生(1833)國藥(1099)中國中藥(570) 炒到飛天。專家預測中國可能80-90%嘅人會感染,除咗之前講過嘅福壽園(1448)之外,可以留意中藥/中醫,固生堂(2273) ,啲人中咗之後去調理身體。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Comments

Jason Chao

Ah ju, can you share your opinion regard to #20 SENSETIME?