日股融漲,港股做funding short (Patreon)
Content
原本星期一有個比較好嘅開始,因為市場收到風話上交所將召開滬市金融業專題座談會,討論促進金融業估值提升,星期四又有國家金融監管總局掛牌,加上傳內地國企ETF發行營構非常之熱烈,令到啲中特估同中資金融股做返比較好。跟住路透社消息話美國暫緩了針對中國的一系列制裁和岀口管制,以防中美關係進一步受損,令到市場氣氛有啲好轉。不過之後星期二成交突然轉弱,成交跌到落唔夠800億,之後都係維持大約係1000億成交左右。中國四月份經濟數據繼續疲弱,加上有報道,廣州北京新冠感染人數上升,打擊市場對復甦嘅信心。
Table: China's May economic data mostly weaker than expected
今個禮拜主要都係科企業績,不過似乎好多人上個禮拜入定貨等炒業績。百度高開低收,騰訊就正常冇咩驚喜,股價又係開波隊落去之後先返彈。而阿里其實都有啲好消息,美國證監做批准咗,佢份年報,不過股價都冇乜反應,似乎又係有春江鴨入定貨,出完業績先見真章。另外,中移動同騰訊,繼阿里之後,都一齊對雲業務減價,令到市場擔心中資電訊股嘅收入增長會受壓,因為呢兩年佢哋嘅收入增加係由雲業務帶動。
總體指數嘅波幅越嚟越窄,由原本嘅1,000點去到而家得返500點左右,感覺應該就嚟會出大方向。有可能要等埋啲科技股出晒業績,同埋MSCI月底換馬甚至係六月頭恆指換馬之後。沽空都開始有少少上升,睇啲flows,港股似俾人攞嚟做funding shorts,主要攞去買其他亞洲市場,例如韓國和日本。
而投資者 (longer term investors)方面,繼續係冇乜人做嘢。中資基金似乎早就都收到上頭指示,打緊"901"戰術,九成債券一成股票 (令到投資落股票嘅資金少咗)。其他外國某金或者對沖基金,一窩蜂湧去炒日本,日經指數melt-up上30,000點,去返至1990年以來最高。A股就繼續塘水滾塘魚,板塊輪動,港股就係日日流血。。
Chart: Japan Nikkei index
阿豬想問大家有幾多人對日股有興趣?
Files
Previews only