核突圖[港股] (Patreon)
Content
上星期五收市之後,人行出嚟講嘢托住人仔,離岸人民幣有些少反彈。星期一返嚟,G7峰會冇咩太針對大陸嘅措辭,而拜登亦冇如預期宣布對中國新嘅制裁措施,趕住返美國搞個債務問題,似乎呢樣嘢應該係會押後再宣布。而同一時間大陸政府宣布完成咗對美光嘅國家安全審查,直接禁止國家國內關鍵基礎設施的營運商採購美光產品。
今個星期幾間大嘅科技股公布咗業績,出完之後幾隻都跌破重要嘅支持 (700, 9988, 9618)。穿了之後玩咗差唔多一年嘅trading range就完。而新的path of least resistance嘅係向下。



阿里雲會裁走7%嘅員工,甚至有傳成個阿里巴巴集團會炒20%嘅人。加上啲大陸券商終於肯派上年嘅bonus,中金就跌咗40%,去響應國家「共同富裕」的號召。仲有消息話三大電訊商都cut緊員工補貼。呢啲所有都係影響緊嚟緊嘅消費力。
國企/中特估都跌穿曬short term support + uptrend,真係恒生指數搞咗個中國央企(SOE)指數就見頂。有機會係因為昆明城投呢單嘢 (link)。主要係源於一份疑似昆明城投會議紀要外洩,透露咗昆明政府融資平台深陷債務困境,今年初基本處於破產狀態,連市級公務員也一度被欠薪2到3個月,而地方政府就喺度拆東牆補西牆,甚至是社保基金也已經被挪用。喺呢度都睇到自從房地產爆煲之後有幾唔掂。
指數星期三裂口低開,穿咗位之後,即刻多咗對沖基金出嚟沽空。之後啲長錢都開始沽埋一份,主要都係啲消費板塊嘅股票。人仔都跌返落去差唔多半年低位,雖然人行出過下口術,但係市場一於好少理。繼續用行動表示睇淡中國。南水繼續由A股撤離。而歐洲奢侈品股票突然之間嘅轉向,有機會係啲錢轉去日本。始終美國嘅科技股仲有故仔。

一啲核突圖嘅例子
388

3690

3968

1299

857. Even this year's winners like the oil, telco and other SOEs are showing change in character. Suggesting the uptrend is coming to an end.

免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。
Files
Previews only