Home Creators Posts Import Register Favorites Logout
haven't archived this post yet. have a subscription? use the importer!

Content

今個星期個市繼續跌落去,原因不外乎大陸嘅經濟復甦力度讓人失望。五月份中國製造業PMI,跌到落去得48.8,比預期嘅49.5差。31號出完呢條數之後,個市最多隊500幾點,而臨收市前有啲低位反彈,睇嚟都係有啲冚倉盤出嚟,再加上MSCI換馬,提供到大量嘅流動性比對沖基金冚倉,加上星期五恆指換馬。

外資對中國嘅睇法悲觀。Positioning 已經從之前嘅少少overweight,變返做underweight。

最近地區政府嘅問題令投資者擔心嚟緊嘅基建投資會減慢。製造業唔掂 ,消費力又冇力(居民寧願減槓桿都唔消費,加上後生仔高失業率,同埋企業減少支出),大陸可能陷入咗通縮嘅局面。呢兩個月啲消費股俾人隊,李寧(2331)跌返到上年嘅低位。

其他消費股例如: 安踏(2020), 華潤啤酒(291), 同埋啲汽車經銷商中升(881)之前全部都係啲基金愛股, 但依兩個月就俾人拋棄。遲啲有機會連A股最愛嘅茅台都俾人揼。

出口:亞洲4月赴美海上集裝箱運量同比下滑19% 中國出發的海上集裝箱運輸量下滑20%;加上連續兩個月PMI陷入收縮。

消費:消費降級,拼多多業績好 vs 京東/巴巴,澳門五月份賭收比預期差少少

內房:呢期到萬達出事,加上傳長三角五月份內房銷售去返疫情期間嘅水平。

結論: 中國開關之後,經濟復甦冇早前預測咁理想

依家港股全球咁跑輸,令到啲人一個一個咁排着隊舉白旗。

呢個禮拜頭嗰幾日,雖然期指結算之後下晝夾咗一下,但係整體成交都冇乜大郁。美團業績之後個個沽貨,加上外資繼續顧消費股,主要都係體育用品,同埋啤酒。不過,六月第一日,雖然開市前雖然都係大部份沽盤,但係個市低開之後抽上去,開始見返多啲買盤,買科技股先之後有買盤喺國企同金融股,都係中資追。雖然收下晝比人隊返落嚟。

去到呢啲位指數超賣曬(RSI <30)。最近三日恆指嘅陰陽中都有長嘅影子(shadow/wick),可能代表短期內賣盤嘅壓力遇到差不多阻力嘅買盤。有機會短期內(一至幾日)做少少的反彈。但係中線來說,而家H S I個圖好核突。


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Files

Previews only

Comments

Ken Cheung

想問下 連續3日有長既影子 之後有啲反彈 呢個係你既工作經驗得出黎?

Cheng Amie

PMI 應該係升? The Caixin/S&P Global manufacturing purchasing managers' index (PMI) rose to 50.9 in May from 49.5 in April, above the 50-point index mark that separates growth from contraction.

MARTIN

👍🏻🙌🏻