Home Creators Posts Import Register Favorites Logout
haven't archived this post yet. have a subscription? use the importer!

Content

6月30日半年結嘅關係,基金可能會去粉色櫥窗 (window dress)。喺下晝推高嘅啲股票嘅價錢。呢啲唔算突破,要留意番。

人仔繼續冇運行,雖然曾經做過一下反彈,但係之後Powell暗示會繼續加息,美元強勢之下人仔又轉返弱。需然有消息話國有大行今個星期已經三次出手穩定人民幣市場,係在岸和同離岸人民幣市場多次拋售美元,以提供流動性,並紓緩人民幣兌美元的跌勢。但係似乎效果唔係好大。如果人仔繼續貶值,中港巿場會繼續受壓。

美元人仔匯兌 (inverted scale)


早兩日,總理李強喺World Economic Forum講中國將在擴大內需潛力、激活市場活力等方面推出更多務實舉措,有信心有能力在較長週期內推動中國經濟行穩致遠。呢番說話令到市場期望嚟緊星期五國務院會議之後會出台多啲政策去刺激經濟。

之後,中美關係繼續浮沉,傳美國嚟緊一個月左右會正式出台限制投資中國嘅政策,加上已經開始講會禁止Nvidia嘅AI芯片賣去中國 (link)。同一時間又話美國財長Yellen七月份會訪問中國。仲有,中方話如果拜登政府希望中美軍方展開高層對話,美國必須解除對中國的制裁 (link)。

今個星期兩間本地公司有大deal,新世界(17)同太古(19),都係買資產俾阿媽,兩者都係會派特別息。周大福企業私有化新創建(659),而新世界揸60%新創建。而太古就會賣美國太古可口可比母公司。鄭氏家族襯低價私有化新創建,而同時新世界又可以套現減債。太古沽貨就繼續將業務中心放係亞洲。

新世界,鄭志剛呢兩年好似做咗藝術家咁,唔係好理新世界嘅業務,同佢啱啱開始嗰時唔同。賣咗新創建之後,雖然手頭現金即刻多咗而負債少咗,但係未來嘅現金流會差咗。兩個deal究竟係未雨綢繆,母公司執平貨,定係純粹想折讓收窄?

四間公司公佈業績比預期差,六福(590),力勁(558),L‘Occitane(973),波司登(3998)。隻隻都係洗倉式比人隊接近20% 先收手。

3998跌到落重要支持位,跌穿嘅話下面就冇support。


技術分析

如果港股真要進入一個新嘅uptrend嘅話 (紫色線),嚟緊18750係key level。因為要做high lows的話,去到依個位應該反彈。如果跌穿嘅話,下個重要Level就係12月嘅低位18150。如果個個都跌穿就大鑊啦,代表downtrend維持 - 唔使睇港股。

個別股票方面,大部份走勢都係麻麻地。沒有可靠嘅set-up。

有嗰啲都係啲小股票或者妖股。。。


免責聲明

所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。

Files

Previews only

Comments

Mark

全球牛市下港股已經咁平 都仲有本事進入downtrend既話 都可以以後都唔駛再睇佢

Men Kitmen

攞返老毛個套出來玩 仲邊駛睇

Men Kitmen

無大饑荒已經算偷笑

chio keong

阿豬先生好,大家好~我是昨天新加入,多多指教~

Winnie YYK

請教, 為何恒子跌穿18750 下一個低位是用12月的18150? 何解不是比較6月份的低位17948?

Margie Tam

Hello Pig, I finally joined. Friday S&P500 gap up, 係米 follow through, 會吾會 pull back? 請指教. Thx

Saki

Thx 呀豬, 希望可以睇多啲呢類型圖文分析,搭車或者係公司睇/聽videos有時無咁方便😆