Home Creators Posts Import Register Favorites Logout
haven't archived this post yet. have a subscription? use the importer!

Content

今個7月頭,撞正美國獨立日放假,而美國7月3號又係半日市,所以變咗正常市場係星期三四開始。星期三朝早出嘅中國6月財新PMI非常差,綜合PMI報52.5 vs上月報55.6,一出完之後個市都插咗落去。服務PMI 53.9低過預期 56.2得多。

中美關係發展所有都係負面: 雖然Yellen呢個星期會來中國,但係調轉頭美國又話會禁止中國企業用美國嘅雲計算 (link),而大陸就係8月1號開始限制鎵和鍺兩種金屬嘅出口 (link),呢兩種金屬主要用嚟生產半導體、導彈系統和太陽能電池的關鍵原料。而同一時間歐盟外交及安全政策高級代表博雷利突被中國取消原定下周訪華行程。

喺港股嚟講呢兩日焦點係內銀股,尤其是高盛出咗報告,downgrade 咗工行(1398)同農行(1288),覺得嚟緊內銀嘅派息會有風險。當然同時間都有啲消息話中國大型國有銀行正向地方政府融資平台(LGFV)提供超長期貸款,傾緊係25年,對比之前係10年,並暫免支付4年利息,不過之後要還返。而家大陸LGFV債務大概係9萬億美元。加上央行係5月對商業銀行進行窗口指導,要求銀行停止購買在上海自貿區沒有實際業務的發行人發行的自貿區債券,亦都影響部分借道自貿區融資的中國城投公司。咁即係地方政府嘅利息收少咗,或者叫延期,之後又有收唔到數嘅風險。簡單講:將地方政府一部份嘅風險移動去啲銀行度

講返高盛報告,啱啱喺呢啲比較負面嘅新聞之後出,再加上呢幾日係內銀除息日(ex-dividend)。咁就要問啲投資者,願唔願意為咗嗰一年一次嘅股息(6-8%),而去再揸多一年貨,加上大陸而家消費唔得,地產死晒,地方政府債務唔知點收科?

1398: 跌穿近三個月嘅支持位。咁啱七月六日又係除息日 。睇嚟有啲投資者攞埋今次股息之後就即時沽貨。

新能源汽車股算比較硬淨,補貼出到2027年,所以嚟緊幾年嘅政策都好明朗。小鵬(9868)就因為G6好受歡迎。仲有一個消息就係Tesla同蔚來(9866)、比亞迪(1211)、吉利(175)、小鵬(9868)等16間中國車企一道簽署了承諾書,其中一樣嘢就係承諾不以非正常價格擾亂市場,所以暫時呢個板塊都會繼續留意。

9863: 配股之後走勢還堅強,已經高過配股嗰時嘅價

9868: 呢兩日港股跌,佢都冇受影響

1211: 仲等緊,未突破

HSI: 港股大市嘅走勢,恆指跌穿第一個重要Level 18750。有可能代表期望嘅新uptrend 唔會發生。50天線好快將會cross below 200天線

下一個同埋更加重要嘅level就係六月時嘅低位 ~18150。穿埋呢個就GG啦。


免責聲明: 所有內容只作知識及學術分享討論。本頻道的內容概不構成任何投資意見或購買任何股票及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。如有疑問,閣下應自行查核頻道所載的任何資料。 對於因使用或依據本頻道內所載的資料而引起的任何損失或損害,本人恕不負責。

Files

Previews only

Comments

Margie Tam

Hsi 跌到 TD sequential 9 可能有得反彈, gap up 彈嗰隻 😄

Colin

技術上來睇係咁,但人為上阿爺應該都仲係唔俾跌太多(萬8點)…掛

Zen Zen

豬兄,請問有冇印度etf 介紹下? Thank you.

Ivan Wong

感覺就係唔想佢穿18000,要谷上20000又谷唔起,每次跌得多就救一救,真係想知救到幾多次