Home Creators Posts Import Register Favorites Logout

Content

今個禮拜港股反彈左1,000點。阿里騰訊螞蟻,上個禮拜五齊齊出罰款後升10%,希望今次真係整頓完。

今個禮拜市場美國CPI低過預期,令到美元跌,人民幣就彈返少少,令到市場氣氛好返些少(美元弱通常對新興市場好)。

USD dollar index

雖然星期一中國CPI跌到0,令到市場擔心通縮風險。不過之後嘅六月份社融/M2/新增貸款全部都比預期好,可能係因為季尾原因,但係市場都好肯收貨。市場展望嚟緊嘅政策。隨着美國加息周期去到尾聲,大陸就有多啲空間去放水,搞番好下半年個經濟。近排官媒都不斷吹緊嚟緊會有政策會拖住個經濟,所以大家都等緊七月底個中央政治局會議。

星期三晚,中國國務院總理李強會見了成班科技公司高層,叫地方政府進一步提供支持,同時國家發展改革委表揚了騰訊、美團等大型平台企業對創新項目的投資。其實會面呢個動作都幾標誌性,首先係喺阿里罰款之後,都似係話俾市場聽個經濟唔係淨係靠國企,亦都要民營企業一齊。而大陸政府又啱啱發佈咗《生成式人工智能服务管理暂行办法》,似乎監管方面比之前嘅初稿係輕手左,主要都係有平台自我監控,所以晏晝出完呢個消息之後啲科技股再夾一夾上去。而家開始搞番好啲科技公司,從而令到市場信心上返嚟。

9988: uptrend定係downtrend? 而家仲係50/50

聽啲行家講多番好多flow,尤其係中資,有啲淨咗幾個月嘅都出返嚟買嘢。加上好多冚倉盤。要知道今年兩個最crowded嘅交易,第一就係就係買美國科技股,第二就係沽空中國。嚟緊破到6月中高位20,100,恆指就有機會變成一浪高過一浪嘅格局。

HSI index

搞完科技板塊,而另一個重大問題就係地方政府債務。琴日先有報道話社保基金建議基金管理人出售包括天津地區在內,一啲風險較高的城投債及民營房企債券。不過今日就有消息話山東青島市成立了地方政府融資平台紓困公司,註冊資本100億元人民幣,國家開發銀行提供資金支持,睇嚟大陸都開始諗辦法搞返好個地方政府債務問題。在之後會唔會搞埋返好內房?

Technical

圖上暫時仲係之前提過嘅EV汽車股(9868, 9863, 1211) 同埋能源股 (857, 883, 386)比較強。大部份另外啲港股都未有值得留意嘅set-up。既然係咁,美股又咁強。不如將啲心機集中在美股。


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本網頁內容並非投資意見,亦不構成任何投資產品之要約、要約招攬或建議。本資料只作為一般用途,它並沒有考慮您的個人需要、投資目標及特定財政狀況。投資附帶風險。您應於進行投資產品交易前先評估個人投資風險之取向。