[港股] 新最強板塊 (Patreon)
Content
上星期恒生科技指數成功突破,一口氣兩日升10%,達到接近二月嘅高位(阻力)

不過升得咁快,自然就容易拉回。今次唔可以完全怪港股,因為Fitch下調美國信用評級令到環球股市跌。所以就算港股真係開始了新嘅uptrend,依兩日都好難避免調整。

去到星期四晚夜期反彈200點。市場再次謠傳中國考慮降低交易印花稅,同埋實施T+0交易,即係可以daytrade (link) 。通常減市場交易費用同埋令到多啲交易,例如容許day trade係件好bullish嘅事。

個市又開始炒周未有政策出台,尤其係星期四五呢啲時間,最新又傳最快今個月會減存款準備金(RRR)。不過投資者一於好少理,覺得大陸政府齋talk冇用,一定要show me the money。從positioning角度,啲人越唔信,越有upside。
聽日8月4日10:00,中國國家發改委,財政部、央行、國稅局會召開新聞發布會,介紹「打好宏觀政策組合拳,推動經濟高質量發展」有關情況。總體嚟講,我覺得大陸嚟緊會不停咁出政策(或者放風),大又好細又好,有用冇用都好,所以個市應該比較容易搵到支持,唔會跌得好深。
A股上個星期講完「要活躍資本市場,提振投資者信心」,跟住呢幾日內地媒體都繼續喺度講,要炒返起個市,令到投資者有財富效應,從而去刺激消費。而喺A股當中,券商股喺呢一輪升市嘅主心骨。今日,證券時報、經濟日報、央廣網等三大官媒共同發聲,分別從降低印花稅、完善制度等多方面,為活躍資本市場、提振投資者信心出謀劃策。
成個A股券商板塊,由政治局會議之前100幾億成交,升到呢幾日700-800億。龍頭東方財富(300059) 中信證券(600030),細價股太平洋證券(601099),呢三隻券商喺呢幾日成交上曬去頭5位,都接近100億左右。成個板塊成交高度同2020年7月差不多了,且超過2019年初的嗰一轉。

以上兩個時間段,證券板塊均迎來了50%以上的漲幅,已上兩次炒卷商都炒咗成兩個月。所以嚟緊都要睇住A股券商,如果失去動力就小心啲。如果券商好,保險都唔會太差,雖然而家係一個減息嘅環境(因為市場有時當保險股做market beta play)。
但係內銀就麻煩啲,因為央行同國家外匯局開到口,要銀行依法有序調整存量個人住房貸款利率,去支持房地產市場平穩健康發展,同時證券日報話「下調存量個人房貸利率宜早不宜遲」,嚟緊似乎都係要犧牲內銀嘅盈利,去救房地產。
科技股:星期三話中國網信辦就移動互聯網未成年人模式徵求意見,擬將模式覆蓋範圍由APP擴大到移動智能終端、應用商店,為未成年人提供差異化使用時長管理服務 (link)。成個科技股板塊跟大市插,之後似乎冇乜事。啲靚仔唔玩手機,唔打機,唔買盲盒,唔可以補習。咁可以做咩?
Watchlist
中信建投証券 (6066) 比較強嘅走勢(在Stage 2),可惜暫時未有適合可以買入。如果可以喺$9.20至$9.40橫行一段時間,然後突破就好啲

有一隻證券股,華泰證券(6886),走勢同大部份港股好明顯不同

海通證券(6837)勉強有個range被佢突破

東方證券(3958)有set up被佢突破

EV股還堅強

9868食糊了

玩落後: 9863, 1211


免責聲明
所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only