[港股] 科技股,澳門,證券行板塊 (Patreon)
Content
市場情緒俾碧桂園(2007)搞彎,宣布還唔到境外美元債券嘅利息(不過仲有30日寬限期),傳聞佢老細同監管傾唔掂數,傳阿爺叫佢自己度掂40%債務,不過佢唔制,令到之前個配股被叫停。俾碧桂園美元債已經trade緊10cents for a dollar。
Chart: 俾碧桂園美元債

龍湖(960)好啲,嚟緊一兩年冇乜特別多嘅債要還,而佢嘅美元債就trade緊70c for a dollar。基本上民企除咗龍湖(960)萬科(2202)綠城(3900)美的(3990)仲頂得住之外,其他嗰啲基本上已經係資不抵債,所以嚟緊主要係睇監管嘅態度,股東同債權人基本上都預咗歸零㗎啦。聽日中國監管機構會同房企和金融機構就房地產市場問題舉行會議 (link)。
香港: 長實(1113)親海駅開到$15,000一尺頂爛市,震散晒成個地產股板塊。之後領展(823)CEO上個禮拜靜雞雞沽咗108萬股,平均價42.39套現4千幾萬。之前佢仲話口口聲聲話自己會全數供股(1千萬左右)去水人落疊一齊供,唔知而家係咪叫cut loss? 不過仲震撼嘅係有傳置地(怡和)想沽交易廣場第三期同The Forum,對香港寫字樓嘅前景比較淡,不過仲有邊啲中資有能力接貨?
領展 823: 股價已經跌低過2022年10月同疫情時低位


今個禮拜有幾個數據,大陸7月進出口數據比預期差,同埋CPI跌到負數,陷入通縮。唔係太意外(早排都有講過)。睇返過往,股市係CPI見底前半年什至一年前已經見咗底。所以而家唔應該將焦點放係通縮,反而應該注重嚟緊嘅政策方向。尤其是而家內憂外患,出口又唔得內需又唔掂,齋靠基建又用途有限。而大陸一個咁官僚嘅環境,由上而下去傳導一個政策轉向,都唔係一時三刻可以做到,所以要俾啲耐性,比班官員模清楚上頭嘅心意。
Market
香港還是恒生科技指數帶頭,前兩禮拜突破後急升,跟住拉回落嚟(有外圍因素,例如美股偏弱)。而家就坐返喺重要嘅支持位(紫色線)

Watchlist
科技股方面,阿里(9988)走勢唔錯,啱啱出業績,似乎唔錯。而拜登嗰個限制投資中國半導體/AI/量子信息技術行業嘅行政命令,雖然暫時仲係冇詳盡嘅細節,不過似乎雷聲大雨點小。之前有傳佢會用收入嚟咗一個區分,可能係超過50% 收入來自呢幾個行業就要美國政府批。加上講到唔係targat上市證券同被被動投資之類。暫時聽落去呢,呢個行政命令都流流地,至少對香港上市嘅中慨股冇太大影響。成件事幾低調下,加上大陸又冇阿吱阿咗,又冇反制裁又成。
9988: 走勢唔錯,睇佢繼續培養等一個好嘅切入點

星期四大陸終於恢復出境旅遊去美國、日本、韓國、英國、德國等呢啲非友好國家,之後可以留意Trip.com (9961)成功突破了今年嘅consolidation

上個星期提過嘅證券行板塊,就算近幾日市場弱。佢哋仲企得堅固。還好似準備突破再升多一腳 (6886, 3958, 3908)



9992: 個勢開始轉,唔清楚這公司/行業是否有新發展

澳門賭博股明顯比大市強 (2282, 1128, 1928)。有消息話澳門賭博生意今年可以去返疫情前嘅九成。



國企源股繼續向上行: 857, 883

941: "cheat" set up. 但就出業績

免責聲明
所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only