拋售港股,恒指retest 18000 (Patreon)
Content
今個禮拜跌足四日,直至去到星期四穿埋18,000 點,差唔多清曬啲牛證,跌穿之前五月同七月嘅低位先反彈。

HSI CBBC outstanding's KO levels as of last week (Aug 11)

先係碧桂園(2007)暫停在岸人民幣債券嘅交易,引起恐慌。之後又有中融信託兌付唔到理財產品,攪到成個金融板塊炸咗落去。加上7月份嘅經濟數據奇差,引發拋售。
似乎係外資等唔切啲刺激政策而去平倉。 雖然中間都叫做有啲好消息,例如考慮減股票印花稅,財政部即將下達約1萬億地方政府再融資債額度。星期三嘅意外下調MLF減息。不過個市只係彈一彈,之後繼續落。同埋美國債息再升,領到人仔下行壓力加大,都領到市場受壓,最明顯就係北向資金,連續9個交易日淨賣出A股,累計金額達到約462億元人民幣,追平自2016年底以來的紀錄最長。
人民幣美元匯兌

行內人笑當Bloomberg啲紅頭headline喺燈,今日話恆指進行技術性熊市,即日反彈3%

係7月28號收市就話進入牛市。跟住唔夠一個月跌咗十幾percent

1)總理李強就話要精準有力實施宏觀調控,強化各類政策協調配合,確保完成全年目標任務;要著力擴大國內需求,繼續拓展擴消費、促投資政策空間,提振大宗消費,調動民間投資積極性。🥱
2)央行發佈2023年第二季度中國貨幣政策執行報告。加大宏觀政策調控力度,充分發揮貨幣信貸效能,適時調整優化房地產政策,促進房地產市場平穩健康發展。似乎係加大力度放水!
3)官媒繼續吹要減股票印花稅 (央廣網:減免證券交易印花稅呼聲漸高 分析人士認為當前具備調整必要性和空間)
繼續係要睇政策,星期四個reversal 嘅低位17,900 似乎震走咗唔少人,雖然下畫有啲國家隊買貨嘅味道(早一日有報導有指導叫基金唔好淨賣出)。之後上面有好幾個裂口。政府今個星期叫國有銀行加大人民幣干預去托人仔。
大陸已經pivot,出咗政策底。先由最高層定音,之後慢慢逐層傳落去,而做官嘅都唔會即刻做嘢,先揣摩下上邊,係咪真係想咁,再睇吓隔籬左右,其他唔郁佢又唔敢郁。到其他人哋開始做嘢,佢哋就開始驚執輸。所以政策傳落嚟,到實行,到有效果係會有一個time lag。而家就係睇佢哋會落重藥打一支強心針先,定係又係唧牙膏方式。啱啱北戴河會議應該完咗,所以嚟緊應該開始會越來越多政策出台。
Market
恒指走勢差。已經跌穿重要嘅moving averages。50同200天線嘅距離繼續拉闊。現時還restest五和七月嘅低位 18000。如果不可以反彈的話下個支持喺17,000。

恒生科技指數七月尾嘅突破後,如果冇係4700獲利,星期四咁樣跌,好可能被迫切蝕。現時圖嘅走勢未好差,但係又唔係好。比較neutral

Watchlist
941算係。市場咁樣插,佢仲企得幾穩

1211 突破失敗。去到禮拜一已經要斬倉

證券行板塊(例如6886)身為beta play,個市跌就預咗佢都會跌㗎喇。不過依個板塊在這段時間有顯出 relative strength。下面橙色線係依隻股票同恒生指數嘅比率,簡單咁睇到雖然佢應該係beta play呢,但係呢排個市跌佢係跑贏大市。

9961一隻增長股來講,呢幾日個市咁跌,佢都hold得唔錯。暫時蟹緊,但係未到stop loss

3988啲銀行股票因為碧桂園同中融信託單嘢今個星期再跌多一腳。在RSI角度跌到超賣(oversold)。但係而家買就等如接飛刀。唔好亂來。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only