Home Creators Posts Import Register Favorites Logout
haven't archived this post yet. have a subscription? use the importer!

Content

恒生指數由月頭高位跌到今個星期一低位差唔多有3,000點,RSI去到27,非常超賣。

星期一嘅LPR減幅比預期細,因為之前MLF係減15點子,而今次LPR係非對咁減,令到市場失望。呢個動作係要暫時保住銀行嘅淨息差,似乎嚟緊會調整存量嘅按揭利率。再加上不停咁有碧桂園同埋信託爆煲啲消息,市場真係一片慘淡。

科技股業績總體唔錯,利潤大部份都超晒預期,雖然收入就一般,係咁嘅環境真係算係咁。騰訊(700)其實唔差,百度(9888)都唔錯,不過快手(1024)真係暫時最靚仔嗰隻,啱啱出嘅美團(3690)都非常好。

大陸就繼續托市,雖然上個星期五收市之後證監求其減咗啲濕9手續費,當然印花稅就唔歸佢哋管,踢翻個波比國務院。之後又至少10間以上嘅基金宣佈自購自己旗下產品,由5,000萬至2億,加上多家上市公司(尤其係科創版)宣佈回購股份,8月以來,累計60家科創板公司提議回購或發佈回購方案,累計回購金額達到65億元and counting。最新就係今日證監會話養老金、保險資金和銀行理財資金等中長期資金加快發展權益投資正當其時,繼續托市。

美金人民幣匯兌 (inverted scale)

星期四,市場情緒好咗,可能係因為之前嗰晚美國債息插咗落嚟,令個人仔壓力細啲咗。又傳樓市調整政策就快出台。同時行家看到d flows都好咗好多,又switching,又L/S pair,係今個星期第一次買多過沽,冇咗啲科技股嘅大沽家(block seller),不過仲係沽金融股。都多咗中資買貨,買科技股先,佢哋好多月頭追完貨就訓咗係度。不過今日暫時仲係冚淡倉多,見到呢重short嘅股票彈得多,好似內房,香港地產,醫藥等等。仲有份報告話八月份嘅中國消費者情緒有好轉。

Market

HSI: 好似美國股市,同埋啲科技股。上兩個星期環球股市跌得太快+多,跌到超賣狀況(RSI<30)。所以這三日啲嘢就反彈。這可能只是一個技術性反彈,不要太興奮

HSTECH 雖然近排跌得好傷 ,但嚴格理講佢仲係做緊 higher lows,未可以咁快話佢玩完

Watchlist

2359 睇返近10日嘅 price-action, 港股點跌佢都冇反應,明顯顯示有大戶大戶在吸貨。值得留意做短炒

941 突破完落返嚟,但係唔跌得深未落到 stop loss。暫時走勢OK做higher lows。繼續揸住先。

9988 有機會仲未玩完。跌到落新嘅上升軌道就反彈。

1800: 識得幾時離場真係好重要識,尤其是如果短炒政策/新聞/消息。今年初突破嘅國企建築公司 (1800, 390, 1186),突破之後升咗幾成,但如果冇take profit㗎喎而家已經返回 square one。

證券板塊 (6886, 6030, 6837, 3809, 3958, 6881) 嘅走動有啲波動,但係中線trend同2022年明顯改變了。中國而家講緊減股票印花稅。如果真係實行,跟住就要睇呢個板塊嘅price action會係sell on news定係繼續rally呢?

電動汽車 9868 & 2015 再次見到識得幾時take profit幾重要。而家兩隻調整唔少(可以話係自然嘅調整),跌到落重要嘅50ma uptrend support。開始見到走動縮窄(orange shade),市場有賣家,但亦都有買家接貨。哪邊實力強啲就會決定跟住突破邊邊



免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

Pokmanny

其實港股仲有得炒嗎?日日📉