Home Creators Posts Import Register Favorites Logout
haven't archived this post yet. have a subscription? use the importer!

Content

周未大陸政府落實減一半印花稅,港股同埋A股個市高開,不過一路向南,個個趁好消息出貨 (sell on news)。大陸減咗,自然諗到港股,港交所(388) 雖然升咗20蚊,不過price action 麻麻。就算有咁好嘅catalyst,下跌時候嘅成交仲多過升嗰時。

Chart: 港交所 388

香港政府成立工作小組去硏究點增加流動性,最簡單就係減印花稅,減返去之前0.1%其實都唔係好夠。至少減一半又或者好似大陸咁淨係收一邊。不過如果出啲好似收窄差價/取消每手股數,變成一股股買賣/加長期貨交易時間,市場係唔會收貨 (取消每手股數對大戶冇影響,因為佢哋不嬲都唔擔心lot  size,收窄差價幫助有限,如果印花稅唔減)。

內銀業績預期地差,淨息差繼續收窄,同埋減息環境,冇乜upside。雖然今日減咗啲存款利率幫補下,不過似乎最快今個星期會減/調整存量房貸利率,呢個會對內銀盈利有影響,程度要睇點調整法。至於內房,好多地方都出「認房不認貸」政策,即係基本上個個都當係首置,可以申請平啲利息,低啲首期,但係啲人係咪因為咁樣就會買樓呢?而家喺市場信心不足,冇需求,其實應該係要政府帶動甚至係制造需求。

仲有就係大陸政府叫中信和建信信託對中融信託進行債務摸底,或參與風險化解。呢個都幾正面,似乎有意包底。對金融股尤其係保險股比較好,不過第二日平安(2318)又係高開低收,令人失望。

呢幾日美國啲經濟數據都比預期差,雖然債息同美元弱返啲,不過人仔仲係7.3徘徊,反映對情緒都唔係好掂。A股繼續淨流出,今個月沽咗900億貨,星期四即係八月最後一日,仲要沽埋B股。深圳同上海B股指數都跌5%,睇嚟有基金月尾逼住要賣

Chart: Shanghai B-share index

香港而家係一個壞處境,撇開中美嘅政治角力磨心。而家背靠大陸經濟放緩/通縮,不過侷住要跟美國加息,又唔可以搣甩聯繫匯率(大陸仲係需要美元),處境極度尷尬。最傷可能係香港地產,尤其係高負債(新世界17)或者有比較多嘅投資係中港(新地16)。之前周大福諗住私有化新創建(659),就係想幫新世界減債。不過呢排都見到新創建嘅沽空比率升咗上嚟。

Market

HSI: RSI 跌到落30之後反彈,但係overall個走勢似下降多

HSTECH: 科技指數強啲,但係如果大市(HSI) 跌嘅話科技股都好難升好多

Watchlist

941走勢還好

國企能源股繼續升。883喺今年嘅大贏家。

9961 (TCOM) 如果有玩嘅話,留意Sept 4出業績

9992 : 在8月3號嘅watchlist。去到$26至28可能會有助力

6886: 證券行板塊出減印花稅消息之後sell off。structure變得核突,應該短期內都唔會再睇

2015 電動汽車股,雖然correct到50天線之後反彈,但是成交跌嗰時多,唔係咁靚,所以冇玩呢個rebound

9999, 992, 1810 比較強,但是暫時未有set up - 可以留意住。


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。



Files

Previews only