Home Creators Posts Import Register Favorites Logout
haven't archived this post yet. have a subscription? use the importer!

Content

個市繼續差,穿埋17,500點個底。騰訊就穿埋300,京東就新低,美團就向$100進發。繼續冇人買貨,成交繼續淡靜。原本諗住上個禮拜五有消息話大陸考慮放寛外資持股上限(而家大數係30%,單個投資者就10%),加上收市之後中美宣布成立經濟同埋金融工作小組,以為今個星期會有follow through,點知又係開波即隊,星期二仲要借騰訊(700)破300打穿埋17,500,再望下面冇乜support,唯一可以參考吓就係上年11月個裂口16100-16800。

比較好啲嘅板塊係生物醫藥,尤其係CXO,例如藥明(2269)藥名康德(2359)泰格醫療(3347)康龍化成(3759),圖表上到睇落去似乎係咗個底,加上藥明康德(2359)宣布擴充產能,仲有就係醫療板塊反腐似乎已經完咗,而家輪到國企同金融嗰邊,嚟緊應該會有返啲醫療會議開返。

幾星期前watchlist嘅2359。留意到個市跌時有大戶儲貨。股票唔肯跌還突破了。但係我用了比較緊嘅stop loss。中途被震走了,如果唔係尋日就會到咗target(綠線)。

同行嘅2269好似唔再想跌(你將佢同港股走勢比較就明白點解我咁講)。現時在形成bottom過程中,未係時候買入,但係可以留意住。

嚟緊10月嘅施政報告,咁波叔都已經放風會減辣,留意番啲新地(16)長實(1113),短炒可以留意下。不過如果放鬆二手樓,其實會對發展商唔係咁好。之後就係印花稅問題,唔知佢哋會唔會減,不過啱啱港交所(388)就認證咗沙地交易所母公司,咁沙特公司可以喺香港第二上市。呢個方法都唔錯,大陸公司冇人吼,或者全世界最大嘅沙特阿美真係可以刺激香港成交。(link)

星期四期指結算,感覺上好多指數重磅股俾人質低。美團(3690)啲人擔心王興個慈善基金會會開始沽貨。近日3690同700嘅sell off 加速可能跌多一兩腳大嘅就係capitulation摸底嘅機會。要留意住極大嘅跌幅同成交,呢啲係見底嘅徵象。

嚟緊大陸就開黃金周,A股聽日開始放假,而星期五就係月結加季節。

Watchlist Review

883 雖然石油價錢繼續上升同破頂,但係883嘅走勢唔算特別強。咁都唔怪得佢因為今年已經升咗50%。成交方便跌時也增加(negative)。set好止賺準備離場

941 突破後升了5%。近幾日pull back返突破位。想保守啲嘅話,可以用買入價錢離場

2015, 9999 近幾個月嘅market leaders,例如2015同9999走勢變咗。跌破了uptrend的支持。看來這個電動汽車小牛市玩完。

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準礦性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

Pokmanny

其實港股已經係政策引起資金流出的問題散戶無謂入市

Sara Wong

珍惜生命,遠離港股

Meng Chit

點解美團騰訊加速sell off就係一個摸底機會?我理解係大戶思維的一些操作,但我見個list啲人都種有好多貨可以沽😳