Home Creators Posts Import Register Favorites Logout
haven't archived this post yet. have a subscription? use the importer!

Content

個市十月份等到北水返嚟開始返彈。因為星期六突發嘅中東戰爭,令到今個星期開局有啲chok,不過之後隨著大陸準備出台更多政策,市場氣氛逐步改善。

上個禮拜晚夜期已經開始有啲偷步炒上,不過星期一打風半日市加上中東局勢,令到市場氣氛轉壞。但係之後美股低開高收 (buy when there is blood),市場支付對中東局勢唔太擔心,先令市場改善。習近平接見共和黨參議員有啲意外加上之後主席11月中如冇意外就會去APEC峰會,到時會同拜登會面,比到市場嚟緊有炒作空間。

而家美國都幾多嘢煩,先有俄烏戰爭,而家又有以巴戰爭,中間又有俄羅斯伊朗,而以色列同沙地阿拉伯傾緊嘅正常化關係把戰爭嘅發生有機會胎死腹中。

星期二收市之後,彭博有消息話中國正考慮提高2023年的財政赤字率到3%以上,並準備推出新一輪刺激措施以實現全年經濟成長目標,考慮額外發行至少1萬億元人民幣的國債,用於基建支出。呢個都係一個幾利好嘅消息,尤其是喺年中提議提高財政赤字率,同時亦都係由中央政府做財政刺激,而唔係地方政府,因為中央政府其實大把錢或者有大把大把空間去舉債,而地方政府而家真係奄奄一息。

尋日最重要嘅新聞,大陸開始托市:

中央匯金八年嚟第一次增持四大國有銀行A股,總共4.8億,銀碼唔大,不過訊號清晰,仲話未來6個月繼續增持。歷史上中央匯金淨係爭遲過6次,而每次timing都係非常接近見底,平均會係通常增持之後個零月左右。雖然唔知今次係咪「This time is different」不過可以做下參考。

星期四恆指啱啱收喺50天線樓下,跟住就要睇今晚美國嘅CPI,如果唔太差,人仔嘅壓力少啲,咁大市10月份甚至第四季似乎都會編好。今個禮拜嘅節奏同之前嗰一個月都唔同,之前都係禮拜頭跌到禮拜尾升。

大行睇法就花旗上個禮拜就升咗今年中國GDP預測,跟住高盛都係。之後高盛就睇中港股市第四季會有好少少嘅反彈。不過睇返呢幾日,大部份成交都係喺頭嗰兩個鐘,似乎都係唔夠新增資金。雖然總體暫時睇返係編好,但係都要小心短期回調,尤其是市場連升六日喺低位升返1000點,

板塊方面都係科技股,個市去要再升就下一轉要到返佢哋, 呢轉啲醫藥股就一半一半最多人追嗰隻就係信達(1801),始終佢有減肥藥嘅概念(好似美股 LLY)。

Market

HSI 雖然近日反彈得好犀利和有好消息(政府托市)。但係中線來講恆指還在downtrend。就算嚟緊幾個星期俾佢升返上200天線上,升得咁急都唔係一件好事。在技術分析角度,恆指要培養一段長啲嘅時間(至少幾個月)先至會有機會靚返啲

Watchlist Review

2359 繼續上升。在$110 去返年初的高位可能會有阻力

2359 的姊妹 2269 唔執輸。今日突破,但是留意這隻股票不是在stage 2

9901 (ADR = EDU)同第二啲網上教育股一齊升(COUR, DUOL)。繼續放紙鷂

Watchlist

9992 建築緊setup,睇吓可唔可以在阻力下consolidate一陣然後突破

1157在stage 2,價格走勢縮緊

1088 在stage 2,價格走勢縮緊

1288 幾隻大銀行股當中,依隻明顯最強。睇嚟政府對佢支持最高


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。


Files

Previews only

Comments

Joe Yip

試完50天線又回突, 仲要整粒黃昏之星,港股都係姑姑算,有無D WATCH LIST 係調轉做SHORT SELL 講下? 謝謝~