港股投降了 (Patreon)
Content
個市又係行返之前嗰套,夾一棍之後跌返一個禮拜,高追嗰班友又俾人刮一巴。美國經濟數據繼續係唔錯,10年債息升到接近5厘,加上中東局勢轉壞,大市又偏淡。匯金國企繼續自己買買買,但係市場一於好少理。雖然星期三公布嘅中國經濟數據比預期好,但係市場似乎唔係好賣賬,A股繼續跌 (仲要跌得好核突,跌穿晒支持)。政府都話今年GDP增長目標回達成,係咪代表嚟緊冇乜政策出台?不過今年得返兩個月,但達成問題都唔係太大,而家市場已經睇緊出年會係點樣,會唔會係一個L型經濟復甦?
中國 CSI300 已經落返上年11月嘅低位

如果恆指跟走勢嘅話,佢仲有13%嘅下跌空間

恆指原本係18,000點留下上上落落,不過成交同走勢越嚟越差,之後到星期四又大插一棍。而家又邁向返10月頭低位,睇嚟短期恆指都會向下試返17,000點甚至會跌穿。7月到而家每次反彈嘅高位都繼續向下移,9月頭返彈到18,900,跟住跌咗10% ,10月頭返等到18,300,如果今次穿嘅話,下個重要支持位就係上年11月嘅低位 15000。
上星期五開始市場對好消息冇乜反應。記得先有上個星期五有傳政府考慮平準基金,可能因為話得幾千億,個市彈咗100點就收工。之後週末又收緊沽空,亦都係冇反應。跟住又話人行要求內銀對地方債展期減息,又係冇反應,加上好多國企回溝同增持自己股票等等想谷返起個市,但係都冇用。大陸諗住用行政手段谷起個股市,市場真係唔buy,基本面冇改變,氹唔到人入嚟。
美國收緊對中國嘅AI晶片出口,市場反應幾大,10年債息升到接近5厘,中東局勢又緊張咗。騰訊(700)南非股東又準備轉96m股入中央結算繼續沽,其實佢每日平均嘅沽貨量應該同騰訊回購嗰量差唔多(大概一年沽2%股權左右,大約2億股)。又有傳美國正在調查有關紅杉資本(Sequoia)對中國AI、晶片及量子計算公司的投資。最後,報紙話李家超係下星期施政報告中唔會全面撤銷樓市辣招。當中,最有可能的是放寬外來合資格人才的買家印花稅。呢個當然失望,不過就算全面撤銷辣招,對樓價都唔會有乜太大影響,反而短期隨着供應增加樓價可能有一波急跌。如果咁,會唔會代表股票印花稅都可能未必減? 所有嘢加埋,個市又急跌去返17,300,殺咗唔少牛證。加上好多股票繼續破底或者破位,情況不容樂觀。
阿豬留意嘅股票
700 代表中國新經濟嘅騰訊跌穿了今年嘅低位

1113 香港舊經濟的長實也是

388喺$280反彈咗三次,如果今次hold唔到嘅話有可能會好似騰訊+長實咁加速下跌。下一個重要支持會係$260

而家大市嘅走勢好弱,但係有少部份嘅股票有 relative strength。留意以下嘅股票,除咗1810小米幾日之前有set up(在交易課程Discord有share)造成一個短炒嘅機機會。其他嘅股票沒有set up。暫時只好留意住,睇吓將來有冇切入嘅機會。
1810 可能因為大陸ban iPhone,所以小米就得益


4 好少舊經濟港股咁強。可能市場博緊privatization

ADR: 9901 (EDU), 9896 (MNSO)

內銀嚟講1288同3618最強

285

市值細嘅(<20bn HKD),有可能是被莊家控制。玩呢啲要小心啲。
921 set up 好少少

1415

3933

3709

1357

354

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only