Home Creators Posts Import Register Favorites Logout
haven't archived this post yet. have a subscription? use the importer!

Content

星期一返嚟,雖然上個禮拜五夜期跌收得幾差,但係港股低開之後有買盤買上去,連同A股都一齊收起高位,而A股成交至兩個月之後又去返一萬億,不過都係得一日貨仔。港股都係科技股做得比較好,但係星期二,又因為大陸10月PMI出嚟比預期差,經濟又再次陷入收縮,加上月結效應/基金埋數,大巿又要收跌。之後到11月第一個交易日,恆指係聯儲局議息前輕微跌穿17,000 之後反彈。 終於聯儲局再次暫停加息,市場似乎覺得佢已經加完息。而10年債息跌返去4.6,美金轉弱,令到新興市場多番啲起息。終於大陸比等到有唞氣嘅空間。

在Watchlist嘅小米(1810)走勢好,呢一轉先炒雙11,第一日所有平台已经成交咗100億,新出嗰部小米14似乎好受歡迎,性價比高,啱晒而家嘅消費降級概念。由突破至而家升咗兩成,已經到達以風險對回報計出嚟嘅第一站。會考慮賣一部份(sell into strength),留返一部份放紙鷂。

亦都係同長城(2333)一樣,有春江鴨知道第三季業績好好,加上10月份銷售唔錯。暫時升到今年嘅高位,唔會追住。但係長啲咁睇,股票可能找了底,有機會由stage one進入stage two。走勢明顯比第二啲汽車股,例如175和2238強

大巿方向,技術分析角度嚟講,未有徵狀顯示downtrend走勢改變

但是地形政策上中美關係有好轉,週末中美都原則上同意喺嚟緊11月嘅亞太峰會上舉行習拜會,又增加咗中美航班去到每星期70班,而美國FDA批准咗君實(1877)生物嘅抗癌藥,呢啲都係標誌住雙方面關係嘅改善。

中國經濟差就個個知道,如果聯儲局可能已經加完最後呢一次,咁樣大陸嘅政策空間只會越來越多。雖然啱啱開咗嗰個中央金融工作會議,又係暫時未有實際行動,但係唔排除嚟緊會有更多政策落地。

如果真的有改善的話,港股可能又經歷一浸急性(一兩日內升一千點嗰種)因為大家都係underweight中港股票。但係升完之後,可唔可以成功打破現時嘅downtrend就另一個問題啦。我諗要升到20,000點個市場先會相信下降軌道完結。

阿豬留意緊嘅股票

285 如果之前在放紙鷂嘅話,今次跌穿九月低位和50天線就係離場信號

4 環在留意,但未成功突破

388 減印稅政策之後高開低收,近幾日走勢維持弱。我繼續睇淡,跌穿子線支持嘅話,下一個support大概260

石油股嘅走勢,例如386, 857, 883 繼續睇淡

3690 美團都係,差唔多跌破上年嘅低位

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only