Home Creators Posts Import Register Favorites Logout

Content

港股又返去17000重要支持。星期二三咁跌睇嚟有啲基金趁住月結同MSCI指數調整之前走貨,費事俾投資者見到佢哋仲揸緊咁多港股。如果唔係咁嘅話,喺宏觀角度嚟講,隨着美債息率回落加上美元轉弱,中港股市其實唔應該咁跌。好可惜,而家搞到連台指都高過恆指。

人民幣去返半年高位,但係港股跌到年內低位,好多人都拗晒頭。除咗基金走貨,或者另一個原因就係內地流感肆虐,擔心會進一步影響已經疲弱嘅消費力。所以今個禮拜啲消費股係跌得好犀利。

USDCNH (scale inverted)

中國投資銀行CICC叫自己啲分析師唔好唱衰大陸。雖然外資冇公開咁叫自己嘅分析師點樣寫報告,但係行內嘅人都知而家所有分析師寫嘅嘢都會小心啲。變咗我們睇報告嗰時就要記住有依個偏見。

今個禮拜主要都係美團(3690),第三季業績大致上符合預期,但係到店嘅毛利率比市場預期差,加上第四季指引比市場預期差,睇嚟疲弱嘅消費加上抖音嘅攻擊之下令到美團市佔率同毛利率一齊受壓。而美國上市嘅拼多多(PDD)就公佈非常亮麗嘅業績,市值一度超過阿里巴巴(9988)。

可以睇到,拼多多(PDD),小米(1810),名創優品(MNSO),聯想集團(992),呢啲有海外業務嘅公司,整體上會表現得比士炮好。個個都沽美團,10億美金回購都冇用。細摩仲cut目標價去到100。阿里(9988)都應該沽到七七八八,但係真係見唔到佢哋會有任何大反彈,除非宏觀經濟層面有重大改變,例如中國大力放水。

下面500點16,500-16,800,好多肥牛CBBC,個個等住睇佢哋俾人劏。

一線大巿值嘅股票,表現得比較差,有啲二三線股票有咗底嘅徵象。換過角度睇香港缺資金,冇大基金去炒大價股。二三線嘅股票反而唔需要咁多資金買就可以回復。


阿豬留意緊嘅股票

* 留意: 星期四同星期五成交會比平時高,因為MSCI同恒生指數換馬 (index rebalance)

9901 (EDU)  股價開始加速上升。同長期平均線距離越嚟越遠。有可能將進入 climax run。隨時會有steep drawdown

8突破了,但係郁得慢。不過都好過好似恆指咁跌。

1164好似美國啲核電股咁,走勢還OK。

4 由於之前將stop loss調整到買入點。所以係星期三急跌個下就平手走。星期四個大成交係因為Msci換馬,而家催化劑已經過了。暫時會停止留意

1088 美國啲煤炭股幾強,例如$CEIX。接近突破Level了

睇淡嘅股票

857 油價越嚟越弱。OPEC減生產量都冇乜幫助。今年香港嘅石油股升咗好多,有可能係時候要還

386

175 如果連上年10月低位都跌穿埋嘅話,下面就再無支持

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。