Home Creators Posts Import Register Favorites Logout

Content

恆指隊穿牛熊重貨區,有成6000張期指嘅牛證(好多)被打靶。令到個市一度跌因為莊家(CBBC Market Makers)要估六千張期貨。

國內嘅流感消息似乎暫時die down,不過以為中美關係會好返些少,點知個美國商務部部長轉頭就話「中團我們遇過的最大威脅」,並強調「中國不是我們的朋友」,仲要點名Nivida 如果佢哋採取某種措施重新設計一款晶片,讓中國能夠實施人工智慧(AI)專案,「我隔天就會採取控制措施」。

同一時間三中全會同埋中央工作經濟會議好似都冇乜眉目(有傳三中全會會推遲到明年先開)令到市場又擔心嚟緊冇乜刺激經濟嘅措施。因為到明年先出嘅話,二月就新年,可能真係要去到三月先落地,咁第一季就廢咗,而且上年第一季仲係非常之高基數嘅。所以上個禮拜五國新買嘅央企ETF,炒咗半日都冇就收皮。唔知今次穆迪 cut 大陸outlook 會唔會比到壓力大陸加快出台新嘅政策。之後星期三開市前財政部就出「社保基金境內投資管理辦法」,講明股票佔比可以高達30/40%,睇嚟大陸又再嚟一次上証3,000點攻防戰。其實社保而家係冇明確嘅指引,似乎而家嘅比重大概係20至25%。

係watchlist睇淡嘅港交所(388) break down,而家中港股市咁嘅死款,港交所應該值幾倍PE?港交所一路以來都係全世界最貴嘅交易所,閒閒哋都25至30倍PE。幾日內已經跌咗12%,有啲沖基金開始考慮係咩位冚淡倉。

金融股就擔心中央要拉佢哋陪葬,夾手夾腳幫手填地產個黑洞。

藥明(2269)單嘢,令到市場失望,其實佢調低全年收入增長都唔係最重要,最重要嘅係年底基金埋數先嚟搞啲咁嘅嘢,之後嗰6億美金回購計劃都冇人buy。呢單野即刻令到好多人唔理咁多,沽咗今年跑贏嘅股票鎖定利潤。例如聯想(992)跌完10%又升返,原本因為美國財長嗰句說話嚇親,之後Nvidia話會繼續供新版本AI正便比大陸,Miniso(9896)話前管理層沽貨,而網易(9999)同時亦都因為騰訊(700)下個禮拜準備發佈新嘅Party Game,《元夢之星》,同時首期將拿總計14億用於遊戲生態的建設,市場亦都擔心佢會喺網頁身上抽走玩家。

9896 (MNSO) 今個星期咁跌violate了set up。可以remove from watchlist

石油跌返落$70。今年港股嘅大贏家啲石油股breakdown了 (watchlist 睇淡)

857

8 突破後唔係話升好多,但係個大市咁跌,佢可以升已經好犀利

而家恆指走勢極之弱。啱啱跌穿咗重要嘅17,000點,大部份港股嘅圖都好差。博升冇乜着數。博跌嘅話就要留意啲股票幾時跌穿仲要嘅支持,好似今個星期386和388咁

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Comments

Joe Yip

港股真係弱到無晒希望咁~

Tony Ho

想請教長線投資上對港股 VS 美股既睇法, 可否理解低PE係咪下行空間都少: 例如內銀股依加係有實際現金流派高既股息, 咁就少D"幾倍PE先算抵"既股價共識風險, 因為係系統性銀行唔執又有業務, 一年8%預期回報 比美股目前高PE值的帳面未來10年預期回報(around 4~5%?) 好, 所以港股/內銀現在是一個好的長線投資機會? 但都幾違反直覺, 未明白如何考慮港股美股的風險折價

Lee Chun Kit

what is the main reason for the unreasonble weakness if HK stocks?