[港股] 反彈去17500 ?? (Patreon)
Content
個市都繼續好似死魚,冇乜買家。中央政治局會議冇乜亮點,不過市場無預期,所以對個市走勢都冇乜太大影響。之後中國駐建局官員出嚟講嘢話「對於違法違規導致資不抵債、失去經營能力的企業 要按照法治化、市場化原則出清」令到市場擔心大部份民營房期都會摺。
今次嘅聯儲局議息之後,美股破頂,但係中港股市都係死水咁。港股係低位磨咗差唔多兩個禮拜。只不過大市都係比較受到A股拖累,滬深300(3188)已經跌穿咗上年11月底位,去到差唔多接近四年低位。今個禮拜A股流出資金越來越大,外資係咁賣啲白酒股, 茅台(600519),五糧液(000858),平安A(601328),招商A(600036),寧德時代(300750)呢啲重磅指數股(唔知係唔係叫做沽到最尾個浸)。聽行家講,市場真係冇買家,仲見到有人低位喺度沽空美團(3690)。 COP28 達成歷史性氣候協議 首度推動從化石燃料轉型,啲新能源升到爆燈,但係中港嘅能源股票就完全冇反應。美國息口見頂,絕對係比到大陸空間去做嘢,所以嚟緊就要真係睇中國有咩板斧。
Chart: CSI 300 Index ETF

市場11月開始已經喺度炒聯儲局加息周期見頂,星期三議息之後再爆一棍上去,啲工用股其實好多已經去返一年高位,例如長江基建(1038) ,中電(2) ,電能(6),反而啲香港地產股仲喺啲低位,始終都係比較受基本面影響。其他表演得比較好嘅就係一堆手機設備股,台灣嘅大立光(3008.TT)兩日升咗15%(有消息話出年會加價),香港嘅舜宇( 2382),瑞聲(2018),小米(1810)都表演得唔錯。
Market
中國同埋香港股票好多投資者都同意價值平同埋超賣。喺倉位方面,基金嚴重underweight。由於冇人玩緊港股。所以市場厚度(market depth)唔深。一升嘅話可以升得好急(一兩個星期返返17500點嗰種)。
隨着美國聯儲局加息周期完結,美元跌對新興市場有幫助。理論上對中國同香港股票都會有幫助。所以睇吓呢度做唔做到個嘅催化劑令短期內港股反彈。

Watchlist
電訊盈科 (8.HK): 技術分析背後嘅原理就係利用股票嘅 price action(真係價格郁動同埋成交)來搵出背後有大戶儲緊貨嘅股票。
當我一個月前放8.HK入我Watchlist的時候。喺個咁弱嘅市場下,呢隻股票竟然可以橫行。顯示背後有大戶儲緊貨。過咗幾個星期後,答案終於出嚟。原來背後儲緊嘅大戶就係李澤楷。而當恒生指數由18000跌到16000嘅時候(-12%)。8.HK竟然係由$4升到$4.2 (+5%)。這就是技術分析的操作。所以我話市場弱的時候反而是最容易找出有大戶儲緊貨嘅股票。因為佢哋會奇怪地強,容易搵到。


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only