Home Creators Posts Import Register Favorites Logout
haven't archived this post yet. have a subscription? use the importer!

Content

港股今個禮拜其實都想向上爬,奈何繼續比A股拖累,升又唔係好升到,跌又暫時冇太大空間。而家呢個市況,全世界個個升香港就跌,人哋跌我哋就升。恆指繼續係16500上下整固。今個星期A股幾衰,上證穿過2900點點,而創業板穿過1800點。除咗外資繼續流出,傳聞內地本土基金都有贖回壓力,因為有唔少嘅三年期封閉式基金喺今個月到期,令到A股拋售壓力加大。

有趣嘅係星期四中午,華爾街日報報道美國正在考慮對包括中國電動車,太陽能產品同埋電動車電池提高關稅。不過個市冇乜反應。睇落去又係似拜登想做show攞選票(嚟緊大選,要做出一個形象想打擊中國,如果唔係又比特朗普叫佢China Joe。所以短期內仲未關係,唔會有明顯嘅改善)。點解市場冇反應,因為中國電動車係美國嗰市場好細,其中一個原因係美國已經對中國電動車徵收25%關稅,所以都唔知再加嚟做乜。而中國太陽能產品就一早借道東南亞去出口比美國,去規避美國嘅關稅。電動車電池就好似寧德時代咁用JV模式,同美國車企合作。最後篇報道講美國也在考慮降低一些被官員們認為不具有戰略重要性的中國產消費品的關稅。

香港政府終於重啟投資移民計劃,加到3千萬。睇落去大陸人對呢個新計劃應該冇乜興趣,因為而家多咗好多渠道攞身份證,有高材又優材,加上有錢嗰班都應該一早攞咗。反而今次應該會吸引到一啲東南亞國家嘅投資移民,因為新加坡投資移民要1000萬坡紙,所以香港呢個計劃比抵玩過新加坡,同埋對東南亞人士嚟講香港都會係比新加坡好。

Market

喺市場方面,恆指沒有大改變。中期嘅走勢還是向下。短期暫時喺16,000至17,000整估緊。跟住就睇吓開邊邊啦。

Watchlist

喺個Stage 4嘅市場,大部份港股走勢都麻麻地。呢排留意既:

1088: 第二啲國家嘅煤股表現幾好($BHP, $CEIX),睇吓香港嘅1088可唔可跟上嚟啦

Watchlist Review

1164: 繼續揸住。留意呢啲細股票流動量低,波動高。stop order可能等到接近收市先決定會好啲。

8: 按這個交易承受嘅風險來判斷追求嘅回報(reward to risk ratio)。上星期有sell on strength嘅機會。這星期跌但係股價拉回時嘅成交不高,有機會是健康pull back跟住再反彈。


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Files

Previews only

Comments

sing1119

想問點解對東南亞人士嚟講,投資移民計劃係香港會比新加坡好?

Faraday LI

我都想同問。同埋都好有興趣了解 咩係封閉式基金? 點解喺到期會有沽壓呢?