[港股] 多咗 unwind,準備2024年 (Patreon)
Content
上星期五真係癲,計劃不似預期,以為會靜靜地過埋聖誕,之後返嚟賭年初效應。點知大陸政府失驚無神出份咁嘅「網絡遊戲管理辦法」 ,細節費事再講啦,消息出之後冇乜太大反應,差唔多要5-10分鐘之後先開始跌,之後直接懸崖式下跌,網易(9999)差唔多蒸發晒一年嘅升幅,而騰訊(700)原本今年第三四季都算係咁,不過不失。突然年尾整單咁嘅嘢嚟搞,啲基金佬真係一殼眼淚,隨時成個portfolio訓醒冇左0.5%。而家調返轉頭睇嗰日沽咗真係想撼頭埋牆。
9999 chart
呢單嘢,政府都知衰,轉頭即刻批返105隻本土遊戲去呵返個市,同埋放晒口風話呢個只係徵詢意見,仲有機會改。不過令市場有意外嘅係竟然又再搞過遊戲行業,啲措施仲要幾辣,同時今次已經係第三次搞呢個行業。再者巿場一路都覺得遊戲行業嘅能見度比較高,所以呢個板塊嘅倉位都比較高。相反條街反而覺得政府會整頓直播行業,所以快手(1024)一路都唔係好升到。 最後,今個禮拜多人撈返啲騰訊(700)網易(9999)巴巴(9988)。
講完遊戲呢單嘢,聖誕之後返,個市真係轉好咗 (其實依個遊戲政策出之前恒生指數price action已經好返啲)。比較明顯就係聖誕節之後多咗unwinding,比如人仔同日圓都比較強。其他而表現得比較好嘅就係一啲今年最差嘅板塊,同時亦具備2024復甦概念,好似消費,新能源,汽車,電池,大金融等等。現階段走勢發展落去。
2318 今年最差嘅板塊星期四就反彈最多 (unwinding long versus short)
另一邊廂,A股連續兩日大額正流入,而星期四淨流入135億,創5個月高。而A股自8月嘅累計淨流出喺12月13號差唔多到2,000億,之後開始回落。而港股喺12月11號見咗底位,而滬深300就係12月21見咗低位,人仔轉強都係非常配合(唔排除有政策跟尾)。似乎都係預示緊2024開局會係個好開始。而家低位反彈超過1000點,如果企得穩,呢個一月份應該都會唔錯。
USDCNH (inverted scale)
HSI 星期四個棍都算大。經常出現之後至少可以升到一兩日。不過中期嚟講,恆指還在downtrend。要改變嘅話,至少要升破18,000點先
Watchlist Review
1088 上星期Watchlast的股票。幾日前成功突破了。
8 升返啲,成交還是低。有機會retest月中嘅高位。
1164突破之後有升有跌,大致上都遵守二十天平均線
Watchlist
1157 consolidate了九個月。不斷做higher lows。阻力大概係$4.4
1288 幾隻大銀行股係講,農業銀行最強
免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only