[港股] 8 & 1088 操作 (Patreon)
Content
2024開波,成交跌返落去唔夠800億,呢個成交大家都睇得出冇乜人肯做嘢,原本以為新一年有個新開始,點知願望落空。
最主要嘅都係聖誕前出咗關於遊戲方面嘅政策,搞到啲基金經理臨天光瀨尿。今個禮拜一返到嚟之後已經傳緊中國解除了中共中央宣傳部馮士新嘅職務,佢係負責睇監督國家新聞出版署,而國家新聞出版署則負責監管電子遊戲行業。所以星期一二騰訊(700)網易(9999)都有啲偷步行咗先,同時行家話有啲中資買盤。不過當我同啲基金佬講呢單新聞之後,佢哋嘅答覆就係「the damage has been done」,都睇到啲外資幾心灰意冷。大陸政府真係想搞返好個市場氣氛,尤其是民企方面,不過下邊啲人真係唔知掟,原本啲信心都開始好返些少嘅時候有一盤冷水淋落嚟。
另一方面,中國同泰國係三月份開始永久豁免簽證,所以令到啲旅遊產業有唔錯嘅升幅,不過比較主要嘅都係A股上市嗰批。
之後花旗出咗嗰份報告,關於香港地產,佢哋睇2024年樓價再跌10%,應該要等到2025年先有機會好返啲,嚟緊主要睇發展商嘅現金流。佢哋覺得民生方面嘅會比零售同埋發展商好,而商業地主就會係最差。所以佢哋睇好嘅係領展同埋致富。亦都覺得九倉置業跌到有啲價值出嚟,不過呢隻嘢都要好睇人民幣嘅走勢。而香港政府啱啱宣佈今年第一季繼續唔會推出新嘅住宅同埋商業地皮,應該係好幾年嚟第一次停止賣地。而寫字樓方面,據世邦魏理仕,去年末,寫字樓空置率達到創紀錄的16.4%,差唔多係七棟IFC。


呢幾日主要見到多咗買返啲收息股,例如煤炭,公路。沽返啲金融類股票,內銀就兩邊都有,不過大陸國債息率跌到差唔多三年低位,似乎應該好快會再減息。其實而家大陸嘅實質利率仲係好高,一年LPR係3.45%而五年LPR係4.2%,加上通縮環境,隨時係4-5%,而美國聯邦利率係5.25%,扣分通脹,大概係2%左右。
Watchlist Review
8: Price Action仲係好,升個時成交多跌嗰時成交少。而家又想返12月嗰時嘅高位。上次無take profit話而家可以考慮

1088: 突破之後,升咗11%。到達了收sell into strength嘅目標

1288 價格突破了但是大成交唔足夠。會skip這個交易。

1164 走勢變弱。跌嗰時嘅成交上升,尋日跌穿二十天平均線。如果close below 50天線嘅話會考慮stop profit

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。