[港股] 七成雪球已被敲入 (Patreon)
Content
恒生指數反彈咗跌幅嘅一半之後就開始冇力,市場始終比較缺乏買盤,大部份買盤都係冚倉盤,尤其是係重磅嘅科技股,啲錢隊晒落去國企,對於指數嚟講,始終作用有限。但係之後又有大陸官媒講「勿将市值管理等同于股价管理」,睇完呢篇嘢都唔係好似佢想表達啲咩,不過呢篇嘢就令到星期四上證同啲國企回吐返些少。

呢個禮拜一返嚟,聽到Donald Trump話如果佢一旦當選會將大陸進口關稅調高到60%,而其他國家嘅進口關稅都會係10%,市場即刻打個冷震 (PDD -12%)。暫時睇落去,佢贏面都幾大下。首先就係太陽能光伏板塊大跌,拖累A股創業板指數。 另一個睇法,如果佢當選又真係落實呢啲關稅嘅話,咁美國嘅通脹似乎又會再飆升,不過呢啲都係出年嘅事。
另一樣嘢拖累,就係上個星期講過嘅23條立法,諮詢期到二月底,應該有機會上半年搞掂埋佢。始終23條覆蓋範圍比國安法大好多,又俾市場多啲藉口踩多兩腳落嚟。
上個禮拜五藥明係大跌,因為美國國會準備起草一條議案,禁止美國政府使用幾間大陸嘅生物科技公司,而藥明康德(2359)就係其中一間。呢個消息拖累成個CXO板塊,亦都比市場一下當頭棒喝,揸住中國股票隨時瞓醒可以跌30% (有時因為國內嘅政策,這次因為外國政策),雖然星期四成個生物醫藥板塊有啲反彈,事緣有傳呢條議案有機會暫緩。
星期二、三,期指結算加月結,似乎有啲大陸資金都要清貨咁嘅款,令到市場沽壓嚴重。加上內地啲雪球產品陸陸續續咁入晒價,仲有唔少上市公司都抵押咗啲股票,所以A股市場一殺落去,會多咗唔少斬倉盤。有傳同一時間都令到港股受壓。目前為止,非正式統計,中證500的雪球已經被敲入68%,中證1000的雪球則敲入了86%,兩邊加起來還有500億左右未入價。網上傳呢兩日招商證券斬倉人數為2018年以來最多,多於2022年4月。
解釋什麼是雪波產品 ➡ https://youtu.be/ZKdtMhm_lLc
Market
在恒指的死貓反彈交易 (dead cat bounce),上個星期update時講過因為反彈要差唔多,所以一部份take profit。去到今個星期,剩餘放紙鷂嘅,當佢再不能做Higher low時就沽埋其餘嘅倉位。
個反彈啱啱去到 Fibonacci retracement 0.618

Stop profit on rest of the position

短期反彈完,中期嘅走勢仍然係downtrend。大陸啲指數已經跌穿晒上年嘅低位。所以恆指retest 低位唔出奇。香港股票可唔可以反彈好睇大陸。A股一日跌,港股都好難升。現時市場對大陸救市嗰 2 trillion有啲skeptical。錢喺邊度嚟,會幾時用,用完嘅話跟住又點? 喺外國投資者角度,大陸仲要做多啲先可以re-gain佢哋嘅信心

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。