[港股] 又救市 (Patreon)
Content
今個禮拜有一轉夾淡倉,恆指一嘢反彈到去16000點水平,今次終於有機會做過higher low,不過50天線呢啲位阻力都幾大下,真係先可以再睇。星期一返嚟A股有好多斬倉盤,尤其是中小股板塊 。同之前講過嘅雪球同埋抵押股票有關,令到大量斬倉 (中證 1000 intraday 跌了 9%)。而家股市裏面嘅槓桿被清晒,長期睇一份好事。
上個禮拜五開始啲大陸網民喺美國大使館嘅微博留言,因為啲評論唔會被刪除,之後美國佬封咗佢哋就去印度大使館留言。仲有就係呢一兩個禮拜都聽到有啲小道消息話都有多至幾個基金經理跳樓死咗。
星期二返嚟,中央匯金同大陸證監會兩邊一齊做嘢安撫市場情緒。匯金放曬聲話會喺市場繼續買ETF,而證監呢邊就用行政手段限制沽空,最主要就係唔會有新增嘅融券規模,同埋叫啲券商放鬆個平倉線。再加上有報道話中國金融監管機構將向國家主席習近平滙報資本市場情況,令到市場下晝再夾一棍,直上16,000點。
星期一大跌,不過國家隊就掃大盤股,主要就買滬深300 ETF托住個指數,之後到星期二三開始中央見到好多中小盤俾人斬倉而大跌,佢哋就開始買中證500同1000ETF,最後星期四仲要掃埋啲微盤股,買入中證2000ETF。
不過最猛料就中國政府宣佈吳清會接任易會滿做證監會主席。睇返歷史數據 (下面圖),每次換人都差唔多係低位,換完之後都有一波唔錯嘅升浪,唔知今次會唔會都係咁?加上一月份CPI係-0.8%,單月跌幅係2009年以來最大。嚟緊都要睇新年之後政策同市場方向或者力度,而兩會(Two Sessions)就會喺月底舉行。

阿里巴巴業績就冇乜亮點,只係增加股票回購到350億,業績之後嘔返過去兩日嘅升幅。其他值得可以再留意嘅可能得返教育股,因為美股繼續開市,第二就係聽到最近都有啲錢喺度追緊貨 ($EDU今晚突破了),可能關於教育部就《校外培訓管理條例(徵求意見稿)》公開徵求意見,教育部就《校外培訓管理條例(徵求意見稿)》公開徵求意見,長話短說似乎就係發返牌。
今個禮拜Flows,其實星期一二開始有返啲美國長錢撈貨,主要都係啲科技股同埋消費股。但係星期三四就開始靜返落嚟,但係見到啲中資就沽返貨(有啲都係早幾日先買嘅)唔知係咪新年前嘅托市已經完成任務。
Market
HS Tech Index: 恒生科技指數走勢還是弱。就算今個星期中國再支持市場,指數都反彈唔過一月出嚟救市嗰時。現時在這個灰色區consolidate。如果跌穿低位就麻煩啦。

HSI Index: 技術分析上恆指好啲。至少在短timeframe做緊higher highs and lows。不過中線還是在downtrend。要生存50天線同埋紫色下降位度+維持一段時間先可以話stage 4 完結。
但基本面上,中國嘅結構性問題仲喺度(地產危機、通貨緊縮和人口萎縮)。咁樣貼啲膠布(用錢救市)落個大傷口度只係短期幫到少少。要外國資金有返信心投資中國嘅話就要解決呢啲結構性問題。如果氹唔到外國資金返嚟,最尾嗰時跌返落去。咁樣救市啲錢會揸哂蟹貨。

Watchlist Review
1157: consolidate了半年之後,今個星期突破同埋升得好急(+14%)。如果用回報對風險 1.5x 比例嘅話。而家都差唔多take profit。港股而家市場嘅狀況不順勢。用多啲sell-into-strength,用少啲放紙鷂。

Watchlist
1919: 等緊依隻突破

免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only