Home Creators Posts Import Register Favorites Logout

Content

農曆新年之後返嚟,個市好返唔少,恒生指數終於突破50天線 。 A股氣勢如虹,連升7日,果然換咗人真係唔同啲,個市開始一底高過一底,希望今次真係轉勢。呢轉繼續都係國企/高息股帶頭。中石油(857) 中海油(883) 神華(1088) 兗礦(1171) 濰柴(2338) 財險(2328) 中國移動(941)同埋啲公路股最強。

放假前證監會換人加上國家隊入市叫做打咗個底出嚟。上次都講到要等新年之後嘅政策力度。首先大陸減5年期LPR 25點子,比市場預期嘅10點子大力好多,繼續加大力度救樓市。之後有吳清新官上任三把火,今次似乎瞄準啲量化基金,禁止機構投資者係開市頭30分鐘同收市前30分鐘淨賣出。 剛剛經歷過新年前嗰轉冧市,都係啲量化基金大槓桿咁買細盤股去對沖滬深300指數,點知個市一冧,冇人接貨就崩盤。睇嚟佢哋都見到個問題可能出自嗰邊。

第二就係今年農曆新年嘅消費情況真係唔錯,餐飲旅遊甚至一啲體驗式嘅消費都表現得唔錯。攜程(9961)業績非常好,管理層話旅遊消費勢頭嚟緊仲係非常強勁,令到美團(3690)都有一個好好嘅反彈。亦都見到有錢買返啲消費類嘅股票例如啤酒。

最有重要嘅有「中國將加快推進民營經濟促進法立法進程」聚焦依法保護民營企業產權和企業家權益、公平參與市場競爭、平等使用生產要素、公平執法公正司法、中小企業賬款拖欠治理等民營企業核心關切,建立和完善相關制度,要切實從法律制度上落實對國企、民企平等對待。今次對民營企業嘅立法,保障返民營企業家,對症下藥,重新建立信心。

香港就同大陸傾緊增加自由行,不過似乎睇落去本地同埋國內人嘅消費模式已經轉變咗,似乎用處就不大,不過有總比冇好。下個禮拜就係香港財政預算案,市場都預期波叔會減辣。三月頭就係兩會開始,到時要再睇會唔會有更加多嘅政策出嚟。

市場

HSI: 短線恆指 making higher lows and higher highs. 可以是反彈的第一步。但係跟住有幾個重要嘅阻力,例如紫色嘅downtrend同埋紅色嗰兩條horizontal resistance

Watchlist Review

市場弱嗰時搵強嘅股票就最容易。因為佢哋企得穩甚至少少升添。而家香港股市終於有啲反彈,之前留意有relative strength嘅股票好多,喺呢排都突破了嘅股票好多,喺今個星期都突破了。例如 2328, 1157, 1288, 883

你見到佢哋嘅走勢同大市好唔同。大市跌佢哋就橫行。恆指一停止跌,佢哋就爆曬上嚟。而家唔係追入嘅時候。都差唔多去到take profit位。

1157 (December watchlist, broke out in Feb)

1288 (December watchlist, broke out in Feb)

883 (前日突破時在Discord分享)

1088 (由12月揸到而家。係我少有嘅香港倉位。恆指跌去,佢反而升咗三成)

Watchlist

941: 啱theme。國企,高股息。做了五個月的consolidation

2328: 星期四突破了還升了唔少。如果未買嘅話唔建議依度追。要等佢跌返啲,然後再反彈(reversal)嗰時可以考慮

(交易課程Discord群組)


免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。

Comments

JB

Hi Ah Ju! I just joined your Patreon - For those you mentioned in current watchlist like 941 HK- it means it’s time to buy or got to wait for a certain signal?

Lydia Lau

請問阿猪3068ETF還可以買嗎?