樓市撤辣 (Patreon)
Content
個市喺財政預算案之前冚番啲淡倉。而預算案取消所有樓市辣招,都符合市場預期,尤其之前啲地產商進行無聲嘅抗議,例如唔投地/流標。最終政府都係跪低,似乎市場對撤辣之後嘅樓價冇太大期望,不過應該都會對成交有幫助,加上發展商應該會對於投地積極返些少,而不至於再有零入標嘅流標。新世界(17)CEO話限制措施取消後香港住宅銷量將成長40-50%
A股市場就好好多,下個禮拜兩會,唔排除開始有啲炒作。雖然大陸證監開始收緊DMA(direct market access)業務,逐步清退同埋限制槓桿比例不能超過1倍,令到星期三A股小盤股大跌,不過似乎都會係短暫多啲波動,長遠應該會穩定返個市場。(link)
至於科技板塊,阿里雲對旗下100個產品啟動史上最大力度降價平均降低20%,最高降幅55%,令到阿里巴巴(9988)直插,拖累京東(9618)騰訊(700)百度(9888),而百度業績都好一般,似乎市場覺得佢AI燒好多錢,但係又唔係好帶動到收入增長。網易(9999)第四季出嚟條數又係比市場預期差,所以都可能會影響到騰訊。反而美團(3690)呢啲消費體驗類嘅股票繼續做得唔錯。
講返些少大行睇法,UBS 估「國家隊」今年以來通過ETF淨流入A股的資金估計已超過4100億元人民幣。相比起2015年9月,國家隊持有人民幣1.24萬億元的在岸股票,今年迄今的持有量「仍遠低於歷史水平,在極端情況下可能會進一步上升」。
而摩根士丹利睇中港股市最大嘅拋售壓力應該差唔多完咗,似乎話緊最壞嘅時間已經過咗。但係佢哋睇距離啲錢入返嚟中港股市仲有一段路要行。外國投資者持有嘅A股已經跌到落去2009年嘅低位。另一個角度可以留意吓就係似乎呢排日本升,中港就跌,反之亦然。
最近啲行家都話條街好靜,但係整體個市場都叫做企得穩。開始繼續見到啲美國錢慢慢買返,雖然唔係多,不過絕對係一個好嘅開始。主要都係買返啲消費類嘅股票,而科技股就一半一半。
Market
由一月開始,港股進入了一個細嘅uptrend。從市場倉位同氣氛角度,兩個都有好大嘅改善空間。但係長期啲咁睇港股升唔升得穿長期嘅downtrend (紫色線)就要睇投資者信唔信中國有結構性嘅改變。
如果越嚟越多人信,恆指可以升穿紫色線嘅downtrend,跟住再test第一條紅線 (17000)。以後再穿埋嘅話就有機會見到啲基金急住衝返入嚟。因為到時就確實downtrend完結了
免責聲明: 所有內容只作知識及學術分享討論,絕對不會含有或提供任何投資建議或邀約或任何服務。本頻道的內容概不構成任何投資意見或購買任何股票、期貨、期權、墓金或及金融產品的特定推薦意見,本頻道的內容亦並非就任何個別投資者的特定投資目標、財務狀況及個別需要而編製。投資者不應只按本頻道的內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本頻道所載資料僅供參考之用,並不保證頻道內全部或其任何部分的資料在各方面均絕對正確。投資者有責任自行翻查所有資訊及數據的完整性及準確性。如有疑問,閣下應自行查核頻道所載的任何資料。 本評論上的資料,僅按當時情況而提供, 如有任何變更,恕不預先通知。對於因使用或依據本頻道內所載的資料而引起的任何損失或損害,本人恕不負責。投資者應當注意投資附帶風險及過往表現不能保證將來業績,過往表現不能作為日後表現之指示。
Files
Previews only