日記~ 7/4/2021  ~ 慢必的回信/宵夜提子包 (Patreon)

星期三     全日陰天 清明時節雨紛紛，天陰陰的一個早上，六點食早飯，開心今天可以返石壁，阿肥仲未可以返，慘慘豬。阿Billy真係傻傻地，Take嘢Take到！唉！照舊指摸房等，見到好多新手足判刑，心痛，可惜冇一個跟我返石壁，幸好有機會見到一個去壁屋，教咗佢少少秘訣自保，希望佢

星期三     全日陰天

清明時節雨紛紛，天陰陰的一個早上，六點食早飯，開心今天可以返石壁，阿肥仲未可以返，慘慘豬。阿Billy真係傻傻地，Take嘢Take到！唉！照舊指摸房等，見到好多新手足判刑，心痛，可惜冇一個跟我返石壁，幸好有機會見到一個去壁屋，教咗佢少少秘訣自保，希望佢平安渡過啦！兩個打劫新人來到，仲話自己有單位，冇人理佢地！！

返到石壁好親切，但要先去醫院等，一到石壁指摸房，收到慢必(陳志全)的回信，開心，佢仲記得我，只好在醫院回信比佢，(Covid問題) 因為要我報告先可以返回期數，寫咗好多嘢，佢問有關同性戀在監獄情況，冇咩特別，順其自然(剛剛上一篇先提起監獄中的Gay Sex)。

出獄啦！放監啦！(意思係可以離開醫院) 返到飯堂，好掛住大家，好想擁抱一下大家，但㩒住自己！大家不停問，8日啦！荔枝角好難捱呀！雖然日日食咖哩，但始終石壁先有歸屬感。一返上倉，呢個又問報紙，我又要洗衫，新人又問借書，又打水攞包(意思係有誰要飲水就攞定，及宵夜有一個提子包，還有十分難飲的奶粉)，好似好忙咁。最後停下來寫日記！