日記~8/4/2021 ~ 新義安 (Patreon)

星期四               陰天 照舊6:30am起身，昨日剛從荔枝回來，今日才正式返期數工作(清潔)，早上睇咗一陣報紙，整理好陳志全封回信，出倉食早飯了，信箱在飯堂，入去時順便寄信。今日工作照舊，十點幾就完成工作，係活動室抄結他Chord 譜。 食完午餐，好快又開工，很

星期四               陰天

照舊6:30am起身，昨日剛從荔枝回來，今日才正式返期數工作(清潔)，早上睇咗一陣報紙，整理好陳志全封回信，出倉食早飯了，信箱在飯堂，入去時順便寄信。今日工作照舊，十點幾就完成工作，係活動室抄結他Chord 譜。

食完午餐，好快又開工，很快又完成，四點左右又去沖涼，每日都十分規律的生活模式。因友「可樂叔」又問我借野，借完煙又借餅，借完餅又借勝(書)，借咗太多嘢啦！因為我唔可以去踢波，所以去球場時多數同佢傾吓計，因我曾經去過新義安「高飛」哥(已經死左)啲場做過工作，而「可樂叔」又係新義安 (佢地日叫我入單位，我始終覺得即使無單位，一樣可以過得好)，佢係一位的士司機，負責派貨，被控運毒。可能就係以熟賣熟，不過都有借有還。在監獄幾時過界無人知，幾時轉期數又無人知，所以隨時借比人地啲嘢隨時無晒。

返期數好快又晚餐，食完就玩下結他又返倉！