日記~16/4/2021 ~ 手足全叔/蘋果的投稿 (Patreon)

星期五     21°C陰/間中有雨 半夜三點醒咗瞓唔返，荔枝角真係好污糟，啲曱甴通地走，只有一直聽收音機聽到六點，食過早飯就準備返石壁。荔枝角真係太多人，日日有成百人上庭過界，每日又有成幾百人入去還柙，上訴、判刑轉身份，每日都忙到嘔。我地做囚犯都覺得好麻煩。去完驟尿，今次算早，

星期五     21°C陰/間中有雨

半夜三點醒咗瞓唔返，荔枝角真係好污糟，啲曱甴通地走，只有一直聽收音機聽到六點，食過早飯就準備返石壁。荔枝角真係太多人，日日有成百人上庭過界，每日又有成幾百人入去還柙，上訴、判刑轉身份，每日都忙到嘔。我地做囚犯都覺得好麻煩。去完驟尿，今次算早，10:30已經可以上囚車。同車有位伯伯，62歲黃錦全(手足)，縱火燒警察宿舍，厲害，好硬頸的一位老人家，趁未上車同佢傾左一陣，佢話有人比煙佢食氹佢講嘢，所以決定戒煙，叻仔！！淨係戒煙這點已經知道佢好有主見(俗稱頑固)

返到石壁，保安搜身真係發覺態度溫和好多，好多謝大家對我真係唔錯。今次又識了一位有份量嘅人，囚友Play Boy(應該係黑社會有份量的人) 喺Ga-B工作，睇見佢喺醫院唔肯上病房等報告，喺到扭計，好搞笑，職員都怕左佢。好快報告出左，返到期數見到大家，只不過中午12:30，囚友軒即刻話我知我蘋果份投稿出咗。要返倉先睇到，果然出咗，正！必定留住