日記~18/4/2021  ~ 煙就係錢 (Patreon)

星期日        晴（陰） 昨晚有人一齊瞓，始終唔太習慣，瞓得唔太好，一晚醒左好多次，晚上我去咗兩次廁所，對面去咗兩次，我沖廁佢都唔醒。 六點九起身，剛好收拾好，準備今日唱歌仔，因為今日係大衛DAY，雖然有信未覆，但留返夜晚返房先寫。早飯正常，今日大衛Day喺Pantry所以可以活動得比較好啲。幫全叔搵象棋，同Pantry借，如常，大陸人瘋峯落到來有意外驚喜比我，因為只有我願意教他結他，佢自己本身唔吸煙，但竟然比左一包煙我，比人知我死硬，我初時唔要，但煙就係錢，剪頭髮都要兩非煙，而比B仔倉煙都要五非啦，最後收左但要攞出來掉左個煙盒，因煙盒有囚號係到，

星期日        晴（陰）

昨晚有人一齊瞓，始終唔太習慣，瞓得唔太好，一晚醒左好多次，晚上我去咗兩次廁所，對面去咗兩次，我沖廁佢都唔醒。

六點九起身，剛好收拾好，準備今日唱歌仔，因為今日係大衛DAY，雖然有信未覆，但留返夜晚返房先寫。早飯正常，今日大衛Day喺Pantry所以可以活動得比較好啲。幫全叔搵象棋，同Pantry借，如常，大陸人瘋峯落到來有意外驚喜比我，因為只有我願意教他結他，佢自己本身唔吸煙，但竟然比左一包煙我，比人知我死硬，我初時唔要，但煙就係錢，剪頭髮都要兩非煙，而比B仔倉煙都要五非啦，最後收左但要攞出來掉左個煙盒，因煙盒有囚號係到，佢話係學費。

今日運動完好耐都冇得冲涼，我問下職員，叫我哋自己搞掂，於是全部即刻去沖冲涼涼，我留待返四樓冲凍水。食完夜藥返到房，同全叔傾吓計，佢話用洗潔精同漂白水洗頭冲涼，嚇死我！