近日物資令我想起自己在囚時點滴 (Patreon)

天氣熱，收到兩位都話唔夠爽身粉，因為在囚手足大部份沒有冷氣下工作，例如小弟之前在赤柱洗衣期做乾衣位置，乾衣機大到須要成個人半個身捐入去才可以攞到啲衫出來，入面温度有80°C，通常停左要等一陣或降到40°C 左右先去攞衫，但入面都非常熱，而且工作地方無冷氣，雖然有風扇，但夏天得風扇又有什麼用。再加上晚上訓教地方連風扇都無，唔生熱痱就怪啦！所以夏天須求蚊貼及爽身粉大增。早前已經買左好多物資比張錦雄，而最平間藥房都比我買晒，外面要110至120一盒，我買98，可惜已經暫時無貨。今次係我第一次幫手足買內褲。記得當然係赤柱，係唯一可以接受深藍色內褲的監獄，之後就愛上深藍色內褲，當去到荔枝角及小欖時，阿 sir 都問點解會有深藍內褲？佢地都覺得好靚。如果有手足係赤柱可以買深藍內褲比佢地！🤭今次收到霍朗齊欠缺的物資表，盡人士去買，結果都係買唔到牙線！今日寄出，明日收到，我無將霍的收件地址抹去，如有朋友想寄物資比佢，隨時可以。感謝大家支持，我會好好善用大家的一分一毫！大家加油！💪