日記~22/4/2021 ~ 賣肉換膠水/回教齋戒月 (Patreon)

星期四               晴              30°C 天氣開始熱，清晨五點幾就醒左，冇法啦，一定耍早瞓，夜晚十點就熄燈要瞓。七點先起床，太早起身冇嘢做。因為回教徒要拜神關係，房間調動到亂七八糟，每年都會有一個月係咁調，原本清清靜靜的一條行，而家變得熱熱鬧鬧了

 星期四               晴              30°C

天氣開始熱，清晨五點幾就醒左，冇法啦，一定耍早瞓，夜晚十點就熄燈要瞓。七點先起床，太早起身冇嘢做。因為回教徒要拜神關係，房間調動到亂七八糟，每年都會有一個月係咁調，原本清清靜靜的一條行，而家變得熱熱鬧鬧了！早上也嘈了很多。今朝早年飯食椰菜，我唔食豬，我唔食牛，將啲肉賣比人，我收返啲煙。一大堆信忘記去寄，唔緊要，寫多啲一齊寄，郵票充足，我每月都要買佰幾蚊郵票。

工作如常，返活動室寫吓信，食完lunch下午開工去C 2做清潔，梁國雄到了石壁，C2 是為他而設，是他自我要求單獨囚禁(即食飯/工作都是一個人)。清潔完，去沖涼、又到左食晚飯、食完返倉，因為太多人啦！好多囚友喺走廊傾計，睇住肥仔又被人屈(肥仔係性罪犯，係入面成日比人玩，又搶佢啲零食)！！多謝爵爺(做CMO 偷左一支膠水比我，我用五非煙同佢買，但係要收好啲，唔係比人踢竇踢到就要入水記)，喺房整理歌譜，明天應該會有新歌譜收！哈哈！