日記~24/4/2021 ~ 被人利用 ? (Patreon)

星期六               晴 / 熱                 31°C 晚上醒了一次，已經比之前好咗啦！可能早瞓，經常五點左右就醒，一直賴床，去到七點先起身，因為回教要拜神關係，搬咗一班人上來，搞到成個倉滿晒人，好Q嘈，但`又熱鬧，我比較愛靜，希望快啲過去回復

星期六               晴 / 熱                 31°C

晚上醒了一次，已經比之前好咗啦！可能早瞓，經常五點左右就醒，一直賴床，去到七點先起身，因為回教要拜神關係，搬咗一班人上來，搞到成個倉滿晒人，好Q嘈，但`又熱鬧，我比較愛靜，希望快啲過去回復之前咁啦！！

起身、出倉、早飯、工作、寫信，今日已經寫完信，咪做下音樂筆記，下午就玩咗一陣結他啦！冇人叫沖涼，四點啦，好在係夏天，沖凍水都可以，所以幾位囚友一齊去廁所，攞住條水喉射來射去，大家輪住攞住水喉比另一位沖身洗頭，苦中作樂！食飯時，有人話叫我去向區議員投訴，要求日日出球場，現在實在好難，根本寫唔信到出去，一定打回頭，而議員的工務探訪都取消晒啦！我就無能為力，但有一位手足話會做，其實一星期二次, 另一星期三次出球場，都應該足夠，只係有啲囚友想利用我地，去幫佢地爭取福利，而這福利並不是區議員可以做到，只可說他是比人利用的一個傻仔。

飯後送漂水(這是清潔組的工作，送漂水/氯水去其他期數，比佢地自己清潔自己地方，清潔組都只係負責有限地方，唔能夠全部做晒)，送完唱咗一陣歌，知道ON賓仔投訴無肉食(因為性罪犯通常會比人打比人玩，同埋食飯時扣起啲肉)，而得返全叔一個喺C1期數(負責cutting 啲書比另一期數釘裝) 。又話今日有人來探訪，睇來要明天了。

PS: 梁天琪便是BB1 期數(Book Biding釘書 1期)