日記~26/4/2021 ~ 懲教玩人有多種手法 (Patreon)

星期一       陰        24°C 自己都計到數，知道差不多要出去荔枝角覆疹，但今日出倉後都冇通知，出咗倉先由Checker阿軒話我知今日出荔枝角，我立即返房攞返啲嘢(因為要攞底褲、皂液、洗頭水等…) 唔通知我係咪有心玩我? 因為啲信成日話我呢樣唔寫得，個樣唔寫得，已

星期一       陰        24°C

自己都計到數，知道差不多要出去荔枝角覆疹，但今日出倉後都冇通知，出咗倉先由Checker阿軒話我知今日出荔枝角，我立即返房攞返啲嘢(因為要攞底褲、皂液、洗頭水等…) 唔通知我係咪有心玩我? 因為啲信成日話我呢樣唔寫得，個樣唔寫得，已經成日玩我要我去保安房。唔通知我，一陣又無昤間比我返房攞嘢，仲唔係有心玩我? 好在有friend，今日星期一，如無意外星期三便可返石壁啦如果冇估錯。

一早起身，都係照舊工作，之後都係坐返入活動室，冇信寫就抄下結他Notes，等到下午2:30先去指模房比較小有，照舊如常食包`粥（妹）、搜身、上鎖，出到荔枝角只係3:56 （因為囚車有錶），如常繁複手續坐到6:45就去新翼，我不停話自己未食藥，沖涼去到一半就叫我返舊翼？我同職員講我未食藥，點知又到食飯，去邊？亂七八糟，最後都係比我留返低，到我見到醫官講話要食藥，又話我食咗，白色係但紅色個粒係夜藥來喎！最後又係要比返藥我，唉！終於食飯，返舊翼Single Cell。

喺石壁問咗福利官，有關消費卷我們如何領取，都係就咁寫份受權書便可！