日記 ~ 1/5/2021 ~ 太平申士探訪水記 (Patreon)

星期六 陰天間中有陽光 獄中獄的第三天，昨晚尚算瞓得好，十點瞓，六點醒，腦海始終未平復，話晒自己冇做錯，在C2水記，接殺三次 (接殺的意思:有太平申士探訪，有無要求?) 實際係邊個有要求，邊個就有難，除了職員玩你，其他囚友都會玩你。因為你有要求即係管理有問題啦! 水記原來每日都有

星期六 陰天間中有陽光

獄中獄的第三天，昨晚尚算瞓得好，十點瞓，六點醒，腦海始終未平復，話晒自己冇做錯，在C2水記，接殺三次 (接殺的意思:有太平申士探訪，有無要求?) 實際係邊個有要求，邊個就有難，除了職員玩你，其他囚友都會玩你。因為你有要求即係管理有問題啦! 水記原來每日都有醫生巡房一次，有人派藥，每日一小時行街，再加沖涼，可能我習慣一個寫嘢，暫時都唔覺得悶，上午整歌譜，間中又寫下信，但係如果長期，真係一種精神折磨。

行街時未夠三點，行完一小時就返C2，沖涼，保安翔哥來咗傾咗一陣，提出自己想留喺原本嘅Workshop期數 (因為入過水記通常會轉期數，唔知寫咗封信比瑋哥(保安阿頭)，希望可以返到啦。晚上石壁真係好L靜，八點未夠，囚友都係瞓咗已經有鼻鼾啦！今日係假期，辛苦德叔水記B啦！妹妹上星期探訪物品尚未到手！ （獄中獄3）