日記～2021年6月26日～粥內有曱甴，半塊面包的午餐 (Patreon)

星期六 間中有雨

調倉由地下轉左上去二樓，原本的氣窗已更新了為鋁窗，雖然望落去係整潔左，但無助空氣流通。昨晚都係好早就訓，未夠十點就訓著，通常清晨五點幾醒，七點幾起身，八點半出倉，每日黑板式生活。今朝做好出倉準備後，仲有時間就睇吓報紙，點知有個柒頭過來開門，但未叫出倉當然唔出去住啦！點知個柒頭叫我出倉落樓？雖然係獨立倉，但通常係全個期數出左自己倉就係走廊排隊，跟住全個倉一齊落樓，點解會叫我一個人出倉落樓？好奇怪？

不過柒頭叫又唔可以唔做，地下又無人，又未叫出倉，真係柒頭。（通常大sir 話可以出倉先一齊出去走廊）咁早落到地下真係托！今日落雨無得去球場，只好直接去Workshop啦！今日係星期六，工作量比較小，所以完左工作仲有好多時間，係到回吓信，可以寫左九封回信，六封係「石牆花」的回信。

今日都係洗吓車，都係簡單工作。下午食包妹時，發現啲妹有曱甴（啲粥入面有曱甴）！只好單食半塊面包，囚友文叔過來傾吓計，囚友間經常抄架，因為個個都係讀書小，文化水平低，有好多連字都唔識寫，文叔就係其中一個。

晚飯時有陰影，睇清楚啲飯有冇曱甴，晚後捉吓棋，返倉寫吓日記。