日記～28/06/2021 ～ 懲教工資/可悲的文叔 (Patreon)

星期一 下雨

每晚如是，未夠十點就訓，清晨五點就醒，生活就係咁枯燥死板，醒左就聽收音機啦，收音機宣佈紅雨，全日制伴課半日，半日就停課。早上都無嘢可以做，賴床到七點幾先起身。都係照舊，住係二樓，出倉要上三樓排隊，再落地下去飯堂食早飯，食飯時落大雨，即係無得出球場啦！食完飯直接去Workshop。

返到workshop 照常工作，職員見到我就話我知今日升上DS, 即每星期有133.35啲工資，原來A係好低人工，我之前係DA, 只有300一個月，而家升左，就有有533.4一個月，一年有四個月係計五星期糧（大糧）即有666.75，而FS 大糧有1000。（當然係2021年的工資，會不停時調整）

今日出糧，糧單得288蚊，好小呀！個耳筒壞左，用19.30扣糧買，再買郵票，買啲小食、餅乾同檸檬茶，已經無晒份糧。

有囚友係到講八卦嘢，監獄入面係好複雜，老千大鬥法，你千吓我，我千吓你，邦派又多，關係千絲萬縷，係監獄一日的經歷，等於牆外三年都未必可以遇到。放工去飯堂，捉吓棋，阿囚友文叔今日終於主動同我捉棋。

P.S.

懲教計計糧由A做起到到F, 而另一邊就係

A （ assistant）和 S（ senior）,

即係（舉例） ：

AA（最低人工） AS

BA，BS

CA，CS

DA ， DS

EA ， ES

FA， FS (最高人工）

文叔：一個六十幾老人家，娶了一位四十幾的大陸女人，結果，銀行戶口加左佢名，層樓加左佢名，仲要比文叔捉姦在床，文叔一手攬住個女人，一手兜頭淋佢強水，文叔左手由手臂開始會部都有疤痕，被判蓄意謀殺，判終身監禁。