日記/2020年12月27日~厚此薄彼 (Patreon)
Content
昨晚很凍!半夜也凍醒了幾次,所以今日精神唔太夠。講吓監獄一年有三隻鷄肶,就係聖誕(24日)、年初二同中秋節。其實我地每人每月要交五支煙比B仔做倉租(倉煙)(煙等於錢)。一個不吸煙者,只有賣物品才可以得到煙,即使剪個頭髮都要兩支煙。原來我地嘅餸也值錢,除了雞肶可以換到一包煙,而牛肉
昨晚很凍!半夜也凍醒了幾次,所以今日精神唔太夠。講吓監獄一年有三隻鷄肶,就係聖誕(24日)、年初二同中秋節。其實我地每人每月要交五支煙比B仔做倉租(倉煙)(煙等於錢)。一個不吸煙者,只有賣物品才可以得到煙,即使剪個頭髮都要兩支煙。原來我地嘅餸也值錢,除了雞肶可以換到一包煙,而牛肉球、牛扒等都可以賣到兩非。
我開始蓄錢(煙即係錢),用茶嘜放好。石壁係獨立倉,自己一個一間房,起初大家唔熟,因為大家知我有煙,開始問我借。一個同期囚友六叔,雖然同枱食飯,但好有機心。今日做完工作,晚飯時,六叔同我講咗個笑話,原本都幾friend,就係講咗 “你唔食煙又儲咗係到,最好放係我到,唔使怕比人搜到要入水記”,監獄真係多騙子,我唔係傻仔。記得早兩日有提過六叔呢個人,自始之後,敬而遠之,大家反而用呢句話作為笑話!
除了六叔(六十多歲)外,還有可樂叔(接近六十/揸的士運毒)、安爺(未夠三十,運毒)、X哥(殺人犯),賢仔/發仔/光頭佳/軒仔都係犯毒,我開始對大家熟稔!但懲教為了討好這班人,做了`很多嘢,相反對待我們一班斯文人就有另一套。
係工作方面,每朝一次,午一次,其他都是自由時間,在一個冇自由嘅地方也有自由時間?其實也有一些有限度的自由時間,例如我可以選擇睇電視/寫信/睇書/玩結他/康樂棋定係訓一陣休息吓!我主力係洗厠所,每日洗兩次,每層洗一個,共有四層。今日係星期日大偉Day (即係放假)
原來大偉Day 係可以同其他期數一齊活動,而今日就在飯堂同其餘的期數一齊,例如有運輸、㕑房、飯堂、圖書、指模房…有好多人,食完早飯就開始在飯堂活動,有人彈結他,有人睇報紙,我兩樣都未有,決定要同妹妹講申請入報紙同結他,有人畫畫,我也想入顏色筆。原來去到10:30就會播放電影,一套港產片、一套西片!我同其他人好陌生,但認識了一位阿爵(熱血公民)的朋友,開始傾吓計了解大家。
午餐過後,又到了放風時間,去球場玩玩,有人做gym,有人踢波,我同兩三位散吓步傾吓計。之後就一齊沖涼,沖完就跟B仔們玩吓結他唱吓歌!原來監獄也有開心的時間,試問在牆外怎可能揾到一日有咁多人一齊唱一日歌?
返到自己房間,也是私人空間,回吓信睇吓書,原來星期日都有假期,但㕑房就冇假放!