Home Creators Posts Import Register Favorites Logout

Content

天氣寒冷,外面刮風!整晚都寒風刺骨,凍醒又訓,凍醒又訓,就連襪都未有,只有用衫㩒住腳來訓。六點半廣播(morning call),約七點半出倉,在大倉門外集隊,保安每朝都會檢查,每晚入倉如是。點好人數就一齊落樓,石壁只有四層高,每層有A至H座,而每一層都有一個飯堂及三個活動室,由

天氣寒冷,外面刮風!整晚都寒風刺骨,凍醒又訓,凍醒又訓,就連襪都未有,只有用衫㩒住腳來訓。六點半廣播(morning call),約七點半出倉,在大倉門外集隊,保安每朝都會檢查,每晚入倉如是。

點好人數就一齊落樓,石壁只有四層高,每層有A至H座,而每一層都有一個飯堂及三個活動室,由廚房煮好再運到飯堂派飯。我就是住在4F(意思就係四樓F座),但我們清潔每朝都落到地下活動室同地下飯堂食飯。其實連同其他運輸/圖書/茶仔(幫職員派餐及物品)/指模房/飯堂等等,統稱散期,一齊活動及食飯!

初到貴景,係會比人𥄫住,所以未同大家熟之前,好多時只有自己一個睇書寫信。今日星期一,懲教對我嘅病未了解,每日早上都必須去醫院食藥,一齊去醫院食藥有發仔(凝血症)同子健(有錢仔)(心臟病),所以同佢地開始熟左小小,不過佢地都係有黑社會背景,販毒入來!食完藥就返回飯堂食早飯,我地係排隊去窗口位攞飯、攞餸、攞茶水共三個窗口。今日星期一,今日食牛肉,我就把牛肉送比人地食,我冇諗過佢比左兩非煙我!

九點左右,正式開始工作,一班十三人一齊攞住地拖掃把廁所擦上四樓,再由四樓一路清潔到地面,只要個半小時便完成,如有特別期數(大sir會巡視,就有特別清潔任務)。

12點左右派信,12:30午餐,休息到二點左右,又開始轉更後的工作,再一次整班人上四樓再做一次,每日重覆又重覆的工作,飯菜一星期重覆一次,真係好悶好悶!三點半已完成下午工作,自由活動時間。逢星期日去球場,之後,一個星期只有星期三,一個星期個星期一同五,所以轉住一個星期三日,一個星期兩日。今日剛好可以去場球,星期日足球場,今日就去籃球場,我都只可以坐在一旁!去家球場冲涼之後食晚飯,一日食四點半,一日食五點半,六點半返倉,咁又一日了!

Files

Comments

Wai Tong Tze

社會沉淪,人民受苦🥺