Home Creators Posts Import Register Favorites Logout

Content

清涼的一月,在石壁比市區低兩三度,尤其在海邊空曠的監獄內。每朝無論著幾多衫,蓋幾多被,到了清晨四點半至六點之間,都會凍醒。每朝/每個下午幾乎都要攞(感冒四寶)藥食!住了一段時間,有一點不能不佩服職員們,很快就知道邊個係邊個,也記得你因乜事入來,當然有部份小見會忘記,而我每天都接觸

清涼的一月,在石壁比市區低兩三度,尤其在海邊空曠的監獄內。每朝無論著幾多衫,蓋幾多被,到了清晨四點半至六點之間,都會凍醒。每朝/每個下午幾乎都要攞(感冒四寶)藥食!

住了一段時間,有一點不能不佩服職員們,很快就知道邊個係邊個,也記得你因乜事入來,當然有部份小見會忘記,而我每天都接觸到的都開始記得佢地。今早出倉時,必定要由保安及職員搜查,有一位姓梁的職員,正是我第一日到石壁,遭到藍屍職員駡我死曱甴後,安慰我那位,他叫我名字,問候我慣唔慣,我當時真係十分感動,原來有懲教職員會留意及關心我們,我也只好回答,尚好,好多新事物學習中。

來到石壁已經兩個星期,今日應該是家人會來探訪入物資,星期日係“大偉day”,即係放假,今日在飯堂活動,見到好多人玩結他,原本律師叫我入貓仔,我最初話唔入,但原來真係好悶,所以決定買隻貓仔(收音機),現在見到咁多人玩結他,今日探訪時,決定叫家人入一個比我解悶。講起解悶就想起“解悶工廠”一本新聞剪輯嘅影印本,由一班有心人做,我係由區議員幫我印出來寄比我!又決定叫家人幫我入報紙,當然係選擇“蘋果”啦!

每個星期日,都有一小時放風“出球場”活動,由於自己有病,所以牌仔“監獄身份証”是3U (數字係年歲,英文代表體能,如1A 係年青力壯,3係50歲之上,U係不能參與體育活動,只可以散步),所以只可散步傾計,好在當我散完步,沖完涼,就有探訪!第一次係石壁探訪,原有探訪室比較細,三個人,除了妹妹之外,可以帶多兩位朋友,開心見到佢地,因有朋友急事來唔到,今次只有姐姐/妹妹兩人,家人見到會有心痛感覺,眼淚好自然會湧出來但要強忍,在他們面前要堅強忍耐!“無事,生活很好,無比人打無比人欺凌” 為了家人安心,也必須這樣說,也同妹妹講,物資入爆佢,有多餘的我可以賣比人換煙,但說話必須宛轉,因為有錄音,半小時很快便過,返到飯堂剛好食Lunch,每週都有奶茶,一星期只有一次,所以比較搶手,我也飲了一杯,在監獄內叫茶嘜,有蓋可接受高温。

監獄就係咁,食玩訓,食完又無嘢做,在監房無人夠膽訂蘋果,只有其他東方/明報/South China 比ON (外國人),所以都無興趣睇!

咁就睇吓“解悶工廠”,大部份都係立場/蘋果嘅新聞,可惜係剪輯放上網,再比人print出來寄到入監獄又要檢查,最後到我手已經係一個月前嘅新聞了!雖然如此,但也十分感激大家為入獄手足所做的一切!今日同興仔(一個年紀已經五十幾六十的指模房B仔)講,我有潤膚露可以出售,因為他可以接觸很多ON願意用煙買物資,因為他們無人探訪無物資,但人工比香港人高,可以買煙再用煙換到物資,例如皂液、洗頭水等!今日學懂一樣嘢,黑社會只講一樣嘢,有錢有朋友,他們就是這樣的,有利益就得。阿爵(熱血公民)手足,但他並非社運事件入獄,而係打劫,今日傾計,廿到尾的年青人,高學歷雙學士,為什麼要打劫?我也摸不著頭腦,他當然有他的理由。

星期日就是認識囚友的時間,建立友誼互相信任的日子,希望揾到一啲真朋友吧!晚飯後,如常返倉,今晚抹吓地,清潔一吓自己個倉,原來每個月都會派一次毛巾仔/牙膏/牙擦/紙巾,所以有舊毛巾可以用作地布!

在荔枝角,物資即日可以攞到,但係石壁,唔知要等幾耐?

PS: 上次跳左, 今次補返

Files