赤柱監房半夜強光 (Patreon)
Published:
2022-09-17 13:08:03
Edited:
2026-09-02 09:11:58
Imported:
Content
今次來到港島南區某個大監獄~赤柱,歷史久遠,英國式建築,而倉房比較細,用的是鐵門,上下各有小窗口,而間中有職員巡邏時,都會用電筒照入去看看你是否依然健在(以前太多囚犯自殺),通常都會聽到腳步聲,如果係熟睡這根本不會構成騷擾,但間中也會被吵醒。當有強光照入來,好自然有腳步聲及在下面有個窗口望到有腳行過,因為張床比較低,大約只有20吋左右高,所以好自然望到下面窗口。
第一次,有一晚當有強光閃閃下時,我醒了,為什麼冇腳步聲?自然望向下窗,什麼都沒有,但上窗依然有光射來?一秒、兩秒,消失了。再訓,見怪不怪。
第二次,我被嚇親,半夜要去廁所,每個倉雖然細,但必定有獨立廁所及洗面盤(因為不是大倉,每晚必定與廁同眠)去完廁所轉個身,望見職員個頭係上面個窗貼實咁望住我,睜大對眼,面目猙獰,都幾恐怖,因為已經熄左燈又睇唔清楚,真係比佢嚇一嚇,好在冇大叫,咪上床繼續訓囉,但係一望下面,又係冇腳,再望睇返上面個窗,冇腳步聲、冇影(因為夜晚外面有燈就有影),就唔見左個職員,到底係咪職員都唔知。
都係臨近農曆七月到底我係啲朋友仔搵我?定係職員嘅鬼魂?不得而知!我又唔記得佢個樣!!