Home Creators Posts Import Register Favorites Logout

Content

(圖示,一張咁嘅被,係得3至4度嘅夜晚,點頂呀?張相太乾淨,真實環境又黑又濕又污糟)星期三,得6度陰天,好凍呀! 昨晚太凍了,訓到臨天光被凍醒,囚室始終係三面牆,一面穿晒嘅疏打閘,非常通風,冷風雖然微微咁吹,但足以吹到整個人打冷震,即使有兩張毛毡加一張薄棉被,被實竇內根本保唔到暖,只可以穿著棉衣去訓。今日見到想學調香個位職員,我咪過去交份筆記比佢,點知佢話唔可以收,原來我又犯左錯,職員係唔應該收囚犯任何嘢,對於一個無犯法而入獄嘅人,點會知監獄咁多規則呢? 掃地工作時,又有一位新面孔的職員,問大家邊個係最新來到架,應該係我啦!佢就好似對我嘅事知得一清二楚一樣,問我幾時會返出去?我答九月尾,出返去之後有什麼打算?走唔走?如果移民,想去邊?我老實咁答“暫時冇諗過“,我想留係香港見証大時代,希望有生之年可以達成夢想,繼“蘇聯“呢個消失的名字之後,終國必定來臨。 好渴望啲英文書可以快啲收到,都過了個多月了,尚有九個月,話長唔長,話短唔短,趁有時間,學多啲英文,出返去就冇時間睇咁多書。 係監獄內最多嘅係時間,當我睇到電視的美食,真係超想食,就算見到囚友食薯片,我都好想食,因為尚未出糧,入獄至今,都未有錢買零食。大家要好好記住,現在擁有嘅,未必係永恒,隨時都可以失去,所以真珍眼前所擁有的一切!

Files

Comments

Wai Tong Tze

珍惜擁有,感恩擁有。