日記/2021年1月9日星期六~監獄內的違法行為“賭“/囚中交好友 (Patreon)

如常六點半起身，七點半出倉，今日好撚凍，我沒有睡褲只有一條麻質粗褲，其實衫還可以足夠保暖，但褲子就真係唔夠。入獄個幾月，頭髮好長，今日終於輪到我剪頭髮了！剪頭髮係要比錢，兩飛煙即係兩支，我用有薄荷味紙巾包好準備附費（你可以唔比，不過人地會唔會安排你剪？有機會話剪佢先／等一陣／食支煙等去推你，因為剪頭髮有時限，去到夠鐘你又要等下一個星期先有得剪，剪個陣係比心機定係是是旦旦？所以基本唔你兩非就個兩包飲品）我就有咁嘅睇法，我地去飲茶，都會比Tips 人地都會服務好啲啦。 工作完畢後（星期六，我地清潔組只返半日工，上午工作時間只係一小時左右就能完成，所以在囚中最多時間可以用來讀書／寫信），就係活動室內剪頭髮，因為所有工具係即時領取，由職員交比理髮師父(即係入獄前係做理髮師）都係囚友。剪髮時電視正在播MBA籃球賽，有囚友說在探訪室聽到某某對媽媽說，“幫埋我今次，八仟幾蚊啫！“原來監獄內也有得賭，MBA及足球也有囚友收外圍賺錢，有人賭餅／朱古力／煙／錢（由外面家人入落佢地戶口）！今日睇到東方日報日報（同囚友交換報紙睇，我訂蘋果，這也是交友的方法），有一段係講懲教人員被起訴，兩名職員容許囚犯借用佢手機打電話與外界接觸（其實好多職員都揾黑社會幫手揾錢，自己諗啦），好多黑邦大人物都係獄中，但依然可以指揮工作！兩名職員又會幫啲大佬運煙等，兩位被控公職人員行為失當；我終於明白點解啲保安咁緊張我寄出去啲信，因為我係石牆花真係有好多筆友，我又唔知什麼可以寫，什麼唔可以，所以佢地好緊張我嘅信，我嘅筆記。甚至有職員在旁邊沙咀YP 門口，放工時被人斬。整個下午，剪髮／睇書／寫信／睇報紙.... 真係一個平行時空，時間多到唔知點用好！今日下午休息比較清閒，有一位囚友，雖然大家唔同期數，我係General Duty 清潔，佢係CMO 負責運輸及去禁區剪花淋花及清潔職員房間，因為大家期數人數不多，所以都會集合一齊食飯（有茶仔（四人負責跟職員送茶飯及文件），有五位圖書館管理員，有指模房兩位，有四位Clothing 衣服管理等等，統稱“散期“），這位叫阿爵嘅囚友，高學歷雙學士，係“熱血公民“成員，不過佢係2019前因其他事入獄，而“鄭松泰“當時立法會成員也有去探佢。佢係唯一一個可以用英文溝通到嘅囚友，入面九成九古惑仔低學歷，難得有人同聲同氣，自然會好傾得埋啦，開始大家好friend好friend! 我趁咁多時間，當然想補吓啲英文啦！家人入左啲英文書比我，我唔明個陣好自然會問佢，因為我見佢係睇好多英文書，有時大家會研究吓英文！