日記~2021年1月11日/賣雞肶/日記被查閱 (Patreon)

星期一，十分寒冷，市區10°C石壁8°C左右，照常開工，在餘暇睇電視期間，因為有兩位同期囚友要穿保護衣調配消毒工作，得知一人有得升，一人冇得升，大家都話懲教署係咁，所以冇得升個位話如果冇得升就唔調啦！(即係唔做消毒工作)當然大家只係聽到傳言，有待日後證實。我雖然不吸煙，但之前提過

星期一，十分寒冷，市區10°C石壁8°C左右，照常開工，在餘暇睇電視期間，因為有兩位同期囚友要穿保護衣調配消毒工作，得知一人有得升，一人冇得升，大家都話懲教署係咁，所以冇得升個位話如果冇得升就唔調啦！(即係唔做消毒工作)當然大家只係聽到傳言，有待日後證實。我雖然不吸煙，但之前提過煙即係錢，我聖誕節期間，將我的雞肶賣比囚友(監獄每年有三隻雞肶食，聖誕/農曆新年及中秋節)，足足一件煙(即20支)。因為即使我唔吸煙，也需要每月交出5飛煙作為倉租，監獄也需要消費，剪頭髮也耍兩飛，所以監獄係一個以物易物的地方，一個困獸鬥的地方，因為監獄入面的事，唔可以寫信寄出去，但自己日記可以寫得白啲，只係自己日記，記錄自己監獄內的生活點滴，應該可以。生活中的所見所聞，原來日記在出獄時也必須交比懲教查閱，有機會唔比帶走，所以我把部份刪除，希望日後可以帶走。十個月對外面來講唔係太長，但係對囚中的人並非短日子。外面時間唔夠用，囚中時間多到唔知點用，好奇怪，同樣24小時，但好像去了另一個空間咁。夜晚非常寒冷，我們一百呎左右的倉，三面牆，一面鐵閘，非常通風，加上每晚巡更，十多分鐘一轉，所以每晚都會醒好多次！所以訓得唔太好，有些心地差的人，專登行得好大力，而且又用強光射吓射吓，如果係好心的職員，唔會射你同行得好輕力。