日記~17/1/2021/活在當下，珍惜眼前一切 (Patreon)

上午陰天/下午晴 21°C 星期日今天是休息日，早上食完早飯就全日在有限度的三間活珍動室及大堂走廊自由活動，一號/二號/三號房間，有時三間房播著同樣節目，有時會播唔同嘅台，自己選擇看什麼就留在那間房靜靜觀看。有個由大陸人唔識講廣東話跟我比較好傾(因為黑社會唔係咁多人識講普通話)，

上午陰天/下午晴 21°C 星期日今天是休息日，早上食完早飯就全日在有限度的三間活珍動室及大堂走廊自由活動，一號/二號/三號房間，有時三間房播著同樣節目，有時會播唔同嘅台，自己選擇看什麼就留在那間房靜靜觀看。有個由大陸人唔識講廣東話跟我比較好傾(因為黑社會唔係咁多人識講普通話)，今日就跟我談天說地(其實我自己講普通話都唔叻)。他在廚房工作。佢負責洗大餅，初入去一定係唔習慣。星期日有一小時出運動(監房術語叫放風)。新來的風化案及個位大陸人都一直同我傾計，我只散步而矣，後來佢地去跑步我才可以清靜一會兒，其他人大部份打乒乓波及三枱康樂棋。石壁運動場係咁多監獄最大，足球場旁邊有小小做健身設施，我比較喜歡利用雙桿做吓運動。運動後沖完涼又到晚飯，今晚食蕃茄雞扒，有囚友唔食蕃茄，甚至蕃茄湯都比左我，我原本是冇可能有湯飲，但今晚啲蕃茄特別好味(即使只得蕃茄，無其他配料)，很久沒有飲湯(湯水係B仔或用煙買才可以得到)，即使很像罐頭湯也覺得好好味道，今晚係我入獄以來最開胃，食得最飽的一餐。親身感受當食物不足時，突然有啲好平凡但在獄中很珍貴的食物時，大家真係要好好珍惜現在，千萬不要浪費食物。P.S. 我意思係我入獄以來 (12月1日2019年至2021年1月17日止) 蕃茄係我第一次食，而且覺得非常好味。蕃茄係我地日常生活中好平凡，在獄中就變得珍貴。