日記～ 25/1/2021～ 煲底之約／歸屬感(大吉利是） (Patreon)

星期一 /晴 / 21°C昨晚成晚好醒訓，可能係星期日飲左兩杯奶茶，又或者太嘈啦！隔幾個倉啲鼻鼾聲好似跑車聲咁，轟轟聲，呢位大叔叫阿榮，職員已經叫佢訓尾房，連房頭職員位都聽得一清二楚。係荔枝角Single Cell兩位阿榮同阿祥Say Bye Bye, 而阿文距離太遠了，零晨五點要食早飯，七點前出倉去到指模房，大堆覆雜手續過界返回石壁，全祼搜身／打指模／搜包頭袋／等等然後扣上鎖，最後十點幾上囚車，在指模房認識了一位手足，廿多歲，四日後放學，仲要係兩條暴動同期執行，佢個人比較負面，心灰意冷，我們在同一囚車，我已經不停比啲正能量佢，但始終三言兩語好難改變佢心態。囚車上係嚴禁傾計，我地兩個竊竊私語，被職員喝停了好幾次！他在唐福落車，只好大聲叫"take care"，就此告別，相信有緣會再見（煲底之約）。返到石壁，不期然有一種親切感，真係大吉利是！記得等一次來到個陣，那份恐懼／嚴肅／戰戰兢兢的感覺完全不同，相反，石壁有熟悉的囚友，有熟習的規舉，有睇住我嘅職員，也有照顧我嘅醫官。雖然好消極，但適者生存，如果日日怨天尤人，生活會很難捱！返到石壁指模房，又要重身做一次手續，當返回 Workshop 時已經12:45，剛好食午餐時間。午餐過後，一切回復正常，開始工作了，唔知點解，心中想起係荔枝角相識的阿文會來石壁，下午係某某職員做老闆，所以下午你休息唔使做，所以在活動室睇電視／寫信／睇書。回想係荔枝角覆疹期間，囚友們多數來自喜靈洲，講起原來規則，原本都大同小異，原來喜靈洲有四個監獄，分A,B,C,D，戒毒所／監獄／女子／少年四個不同監獄。晚飯後，回到自己個倉，一大堆未睇報紙，慢慢睇啦！可能係荔枝角訓得唔好，返回熟悉的房，執吓房就訓。P.S.（今日下午，原來我地個倉係“景點”（即係大Sir要巡查），所以職員帶住我上去執吓，清潔吓！有部份囚友嘅房要入去幫佢地收好啲嘢！阿佳間房最整潔，我著住鞋踏入去，我如實告知，，點知比佢丙，佢再要清潔地下，原來佢入房會赤脚，難怪及明解，佢地係到十幾廿年，當正係自己屋企一樣！）