日記~23/2/2021 ~ 結他/手足變質 (Patreon)

星期二 晴 今日大家姐來探訪，終於解開畢氏定理之謎（哈哈）。今日浩落山(即係四日新人期已過，正式派去真正的期數工作)，終於留係流倉（嘉豪今日返，原來去左車衣A期數，真係唔想佢同鴻仔一齊。就連賢仔都話佢地兩個唔夾，鴻仔太古惑了，而嘉豪為人正直）。德叔好搞笑，教新仔做嘢，自己都做錯曬

星期二 晴

今日大家姐來探訪，終於解開畢氏定理之謎（哈哈）。今日浩落山(即係四日新人期已過，正式派去真正的期數工作)，終於留係流倉（嘉豪今日返，原來去左車衣A期數，真係唔想佢同鴻仔一齊。就連賢仔都話佢地兩個唔夾，鴻仔太古惑了，而嘉豪為人正直）。德叔好搞笑，教新仔做嘢，自己都做錯曬！仲去教人?

早飯後照常開工，帶住新人，照洗廁所!當我掃完A compant之後阿林就被人鎖咗，因為不在吸煙房吸煙！佢都就快過界，真係唔明，不過佢都被鎖過好幾次。下午四手輝哥做老闆(四手即係阿四，未有正式職務，四圍頂更) (老闆即使今日的看守的職員)，工作如常，輝哥好好人好Nice！夜藥了，寫了幾隻字俾嘉豪，將之前的信，一齊俾鴻仔交俾佢，希望佢收到後個心會定啲啦！鴻仔太古惑，已經變咗質！我知嘉豪好堅定，唔會被佢影響到。（鴻仔太多嘢講，又要扮大佬，佢扮嘢要食精神科藥，去到醫官面前又唔食）

終於今日妹妹入咗結他啦！可惜未有Capo只有等，等職員檢查完之後先會比個結他我。都要等嘉豪消息啦！